365 पटक हेरिएको काठमाडौं, मंसिर २४।
नेपाली कांग्रेसका सभापतिका दाबेदार विमलेन्द्र निधिले पार्टी सभापतिमा सर्वसम्मत् रुपमा अब रामचन्द्र पौडेललाई अघि सार्नुपर्ने बताएक छन् । यसअघि आफू कुनैपनि हालतमा सभापतिको उम्मेद्धवारबाट ब्याक नहुने बताउँदै आएका निधिले आज भने सर्वसम्मत् सभापतिको लागि वरिष्ठ नेता पौडेलको नाम प्रस्ताव गरेका हुन् ।
आज (शुक्रबार) चितवन–काठमाडौं प्रजातान्त्रिक संगमले ललितपुरमा आयोजना गरेको कार्यक्रममा बोल्दै निधिले पौडेललाई नै सर्वसम्मत् सभापतिको रुपमा अघि सार्नुपर्ने भन्दै उनको नाम प्रस्ताव गरेका हुन् ।
यसअघि सभापतिका प्रत्यासी शेखर कोइरालाले पनि पौडेलको नाममा सहमति भए आफू ब्याक हुने बताईसकेका छन् । अब सभापतिको उम्मेद्धवार प्रकाशमान सिंह दबाबमा परेका छन् । रामचन्द्र पौडेल सर्वसम्मति रूपमा नेतृत्व चयन हुनु पर्ने पक्षमा छन । तर त्यो अबस्था नदेखेपछी केन्द्रीय कार्यसमितिको बैठकमा समेत अनुपस्थित हुनुहुंथ्यो ।
