पार्टीबाट निष्काशित बादल पुनः गृहमन्त्रिमा नियुक्ति भई लिए सपथ

  भिजन अनलाईन न्युज संबाददाता प्रकाशित:  69 पटक हेरिएको

काठमाडौं, वैशाख ५ ।

आइतबार पदमुक्त भएसँगै पुनःनियुक्ति पाएका गृहमन्त्री रामबहादुर थापा बादलले शपथ लिएका छन् । राष्ट्रियसभा सदस्यबाट पदमुक्त भएपछि मन्त्री पद गुमाएका उनलाई प्रधानमन्त्री केपी शर्मा ओलीको सिफारिशमा राष्ट्रपति विद्यादेवी भण्डारीले पुनः नियुक्ति गरेकी हुन् ।

थापाले आइतबार साँझ राष्ट्रपति भण्डारीसमक्ष पद तथा गोपनियताको शपथ लिएका हुन । थापा संसद सदस्य नरहेको हुनाले संविधानको धारा ७८ अनुसार मन्त्री नियुक्ति भएका हुन् । थापा अब ६ महिनासम्म मन्त्री रहन सक्नेछन् ।

थापा राष्ट्रियसभामा निर्वाचित भएको दल नेकपा माओवादी केन्द्रले उनलाई कारबाही तथा पार्टीबाट निष्कासन गरेको पत्र राष्ट्रियसभामा पठाएको थियो । आइतबार संघीय संसद सचिवालयले थापालाई कारबाही गरेको पत्र राष्ट्रिय सभामा प्राप्त भएको सूचना जारी गरेपछि उनी पदमुक्त भएका थिए ।

तपाईको प्रतिक्रिया

सम्बन्धित समाचार