839 पटक हेरिएको 
धादिङ, जेठ १७ ।
धादिङको सुनौलाबजार केन्द्रबिन्दु भएर शनिबार राति भूकम्प गएको छ । धादिङ आसपास उक्त भूकम्पको धक्का महसूस भएको सर्वसाधारणहरूले बताएको छ । भूकम्पको धक्का दुई पटकसम्म महसूस भएको धादिङ नीलकण्ठ नगरपालिका वडा नम्बर ११ का वडाअध्यक्ष तिलक थापा मगरले सामाजिक संजाल फेसबुकमार्फत जानकारी गराएका छन ।
राष्ट्रिय भूकम्प मापन केन्द्रका अध्यक्ष लोकविजय अधिकारीले पनि ४.८ रिक्टरस्केलको भूकम्पको धक्का गएको पुष्टि गरेका छन ।
भूकम्प ९ बजेर ३६ मिनेट जाँदा धादिङको सुनौला बजार आसपास केन्द्रबिन्दु भएर गएको हो ।
