निर्वाचन आयोगलाई खुट्टा नकमाउन माधव नेपालको आग्रह ४४१ लाई बोलाएर टाउको गने हुन्छ

  भिजन अनलाईन न्युज संवाददाता प्रकाशित:  117 पटक हेरिएको

काठमाडौं, माघ २८ ।  

नेकपा प्रचण्ड–माधव समुहले आज राजधानि काठमाण्डौँमा आयोजना गरेको बिशाल बिरोध सभामा बोल्दै अध्यक्ष माधवकुमार नेपालले, प्रधानमन्त्री केपी शर्मा ओलीले निर्वाचन आयोगलाई धम्क्याएको आरोप लगाएका छन् ।

ओलीले आयोगमा पुगेर म नै पहिलो अध्यक्ष हुँ, आधिकारिकताको विवादमा पस्न पाउँदैन भनेर संवैधानिक निकायलाई धम्क्याएको भन्दै उनले आपत्ति जनाएका हुन् । प्रतिनिधिसभा विघटनको विरोधमा बुधबार काठमाडौंमा आयोजित जनसभालाई सम्बोधन गर्दै अध्यक्ष नेपालले आफूले आफैलाई पहिलो अध्यक्ष घोषणा गरेका ओलीलाई पत्याउन जरुरी नभएको भन्दै बताए ।

पार्टीको विधान, दस्ताबेज, सकुर्लर र निर्णय हेर्न आग्रह गर्दै उनले अघि भने, ‘त्यसमा पनि शंका छ भने ४४१ लाई बोलाएर एकएक व्यक्तिको टाउको गने हुन्छ ।’

राजनीतिक दलसम्बन्धी ऐनको दफा ४४ मा एउटै पार्टीमा नाम, चिन्हबारे विवाद भएमा बहुमतको निर्णय स्वीकार्य हुन्छ प्रष्ट लेखिएको भन्दै प्रचण्ड–माधव समूहका अध्यक्ष नेपालले त्यसलाई हेक्का राख्न आयोगलाई आग्रह समेत गरे । प्रधानमन्त्रिको प्रतिनिधि सभा बिघटनको बिरोध गर्दै आएको नेकपा प्रचण्ड माधब समुहले अझै पनि नसच्चिए बालुवाटार र सिंहदरबार घेर्न नपरोस समेत भनेका थिए ।

 

तपाईको प्रतिक्रिया

सम्बन्धित समाचार