जसपाको महन्त ठाकुरको टिम नेता महतोको नेतृत्वमा सरकारमा जाने, आजै सपथग्रहण तय

  भिजन अनलाईन न्युज संबाददाता प्रकाशित:  90 पटक हेरिएको

काठमाडौं, जेठ २१ ।   

जनता समाजवादी पार्टी (जसपा)को महन्थ ठाकुर पक्ष वरिष्ठ नेता राजेन्द्र महतोको नेतृत्वमा सरकारमा जाने भएको छ । मन्त्रीहरुको सपथ साँझ ६ बजे राखिएको छ । वरिष्ठ नेता राजेन्द्र महतोको नेतृत्वमा सरकारमा जान लागिएको जनता समाजबादी पार्टी यो निर्णयसंगै पार्टी विभाजन निश्चित छ । जनता समाजबादी पार्टीबाट राजेन्द्र महतोसंगै शरदसिंह भण्डारी, अनिल झा, लक्ष्मणलाल कर्ण, विमल श्रीवास्तव, उमाशंकर अरगरिया, चन्दा चौधरी र एकबाल मिया मन्त्री बन्नेछन् ।

महतो उपप्रधान तथा शहरी विकास मन्त्री हुनेछन् भने भण्डारीले उर्जा, जलस्रोत तथा सिचाई मन्त्रालयको जिम्मेवारी पाएका छन् । झाले खानेपानी र कर्णले भूमि व्यवस्था, सहकारी तथा गरिबी निवारण मन्त्रालय सम्हाल्दा श्रीवास्तवलाई श्रम, रोजगार तथा सामाजिक सुरक्षा र अरगरियालाई युवा तथा खेलकुद मन्त्रालय परेको छ ।

यस्तै चौधरीलाई महिला, बालबालिका तथा जेष्ठ नागरिक र एकबाल मिया वन तथा वातावरण् मन्त्रालयको जिम्मेवारी दिइने जसपाका एक नेताले बताए । जसपाले दुई राज्यमन्त्री पनि टुंगो लगाएको छ । चन्द्रकान्त चौधरी उर्जा र रेनुका गुरुङ महिला बालबालिका राज्यमन्त्री हुनेछन् । जसपाले पूर्व माओबादी मन्त्रिहरूले सम्हालेका गृह मन्त्रालय सहितको मन्त्रालयको दाबी गरेपनि प्रधानमन्त्रि ओलिले गृह मंत्रालय भने दिन नसकिने बताएको एक नेताले बताए ।

तपाईको प्रतिक्रिया

सम्बन्धित समाचार