1216 पटक हेरिएको 
बिराटनगर, बैशाख २८ ।
नेपालमा थप दुई जनाले कोरोना जीतेका छन् । बिराटनगरको कोशी अस्तालमा उपचार गराईरहेका दुई जनाले कोरोना जीत्न सफल भएका हुन् । यो सगैँ कोरोनाबाट निको हुनेको संख्या ३२ पुगेको छ ।
यस अघि शुरुमा ६ जना र पछि ८ जना गरी १४ जना डिस्चार्ज भएका थिए । प्रदेश एक बाट मात्रै १६ जना स्वास्थ्यलाभ लिई डिस्चार्ज हुन सफल भएका छन् ।
भोजपुर हतुवागडी गाउँपालिका–६ का २६ वर्षिय उपेन्द्र राई र झापा बाहू्रदशीका ४० वर्षीय मुजाइर आलम डिस्चार्ज हुन सफल भएका हुन् । उनीहरुमध्ये राई बैशाख १३ गते र आलम १४ गते भर्ना भएका थिए । उनीहरुलाई अस्पताल प्रागणमा फुल दिएर सामाजिक विकास मन्त्रालयका सचिव रबीलाल पन्थ र अप्पतालका अधिकारी तथा चिकित्सकहरुले बिदा गरेका थिए ।
जिल्ला स्वास्थ्य कार्यालय मोरङका प्रमुख एवं कोभिड१९ उपचार केन्द्र व्यवस्थापन समितिका संयोजक ज्ञानबहादुर बस्नेतले डिस्चार्जबारे जानकारी दिनुभयो । हाल देशभर ८७ जनाको उपचार भईरहेको छ भने देशभर कुल संक्रमित १ सय १० रहेका छन् । आज कुनै पनि संक्रमित थपिएका छैनन् ।
