नेकपा विभाजनलाई निर्वाचन आयोगले मान्यता दिएन, दुबै पक्षले गरेका निर्णयहरु बिधान सम्बत नरहेको ठहर

  भिजन अनलाईन न्युज संबाददाता प्रकाशित:  425 पटक हेरिएको

काठमाडौं, माघ ११ । 

निर्वाचन आयोगले सत्तारुढ नेपाल कम्युनिष्ट पार्टी (नेकपा)का दुबै समूहले गरेको छुट्टाछुट्टै निर्णयलाई मान्यता नदिने भएको छ । आज बसेको आयोगको बैठकले दुबैको दाबी नपुगेको निष्कर्ष निकालेको हो । ‘प्रचण्ड-माधव समुह र ओली समुहहरूले आफू खुशी गरेको निर्णयलाई मान्यता नदिने निर्णय गर्‍यौं’ एक आयुक्त भन्छन्, ‘दुबै समूहले विवरण संशोधन गर्न गरेको दाबी विधान सम्मत देखिएन ।’

प्रचण्ड-माधव समूहले केपी शर्मा ओलीलाई पार्टी अध्यक्षबाट हटाएर माधवकुमार नेपाललाई अध्यक्ष बनाउने निर्णय गरेको छ । ओली समूहले केन्द्रीय सदस्य थप गरेको जनाएको थियो ।

यसअघि निर्वाचन आयोगले नेकपाका दुबै समूहलाई आफ्नो दाबी सच्याएर प्रस्तुत गर्न सात दिने म्यादसहित पत्राचार गरेको थियो । यस निर्णयले नेकपाका दुई धारको अबको यात्रा के हुन्छ त्यो भने हेर्न बाकिँ छ । निर्वाचन आयोगको यो निर्णयले सर्वाेच्चमा बिचाराधिन रहेको संसद बिघटन बिरुद्धको मुद्धालाई समेत प्रत्यक्ष असर पार्न सक्ने देखिन्छ ।

तपाईको प्रतिक्रिया

सम्बन्धित समाचार