राष्ट्रियसभा निर्वाचनको सम्पूर्ण तयारी पुरा, नतिजा भोलि नै आउने

  भिजन अनलाईन न्युज संवाददाता प्रकाशित:  752 पटक हेरिएको

काठमाडौं, माघ ८ ।

निर्वाचन आयोगले बिहीबार हुने राष्ट्रियसभा सदस्य निर्वाचनको सम्पूर्ण तयारी पूरा भएको निर्वाचन आयोगले जनाएको छ। प्रमूख निर्वाचन आयुक्त दिनेशकुमार थपलियाले बुधबार आयोगको कार्यालय कान्तिपथमा पत्रकार सम्मेलन गरी भोली हुने राष्ट्रियसभा सदस्य निर्वाचनको सम्पूर्ण तयारी पूरा भएको बताएका हुन ।

प्रमूख आयुक्त थपलियाले निर्वाचन हुने सात प्रदेशका उच्च अदालत रहेको जिल्ला सदरमुकाममा तोकिएको मतदानस्थलमा निर्वाचनका लागि आवश्यक सम्पूर्ण निर्वाचन सामग्री पुगिसकेको पनि जानकारी दिए।

आयोगले बिहीबार बिहान १० बजेदेखि अपराह्न ४ बजेसम्म मतदानको समय निर्धारण गरेको छ। मतदान सकिएपछि बिहीबार नै नतिजा प्रकाशन गर्नेगरी व्यवस्था मिलाएको आयोगले जनाएको छ। निर्वाचन आयोगले निर्धारण गरेबमोजिमको परिचयपत्र लिइ मतदानमा सहभागी हुन सम्पूर्ण मतदातालाई अनुरोध गरेको छ।

गाउँपालिकाका अध्यक्ष र उपाध्यक्ष, नगरपालिकाका प्रमूख र उपप्रमूख तथा प्रदेशसभाका सदस्यले राष्ट्रियसभा सदस्य चयन गर्ने छन्। निर्वाचन हरेक प्रदेशमा हुने र सोही अनुसार प्रदेशबाट राष्ट्रियसभा सदस्यको चयन हुनेछ।

५९ सदस्यीय राष्ट्रियसभाका १९ सदस्यको कार्यकाल आउँदो फागुन २० गतेबाट सकिँदैछ। तीमध्ये १८ जना निर्वाचनको माध्यमबाट चयन हुनेछन्। एक सदस्य सरकारको सिफारिसमा राष्ट्रपतिबाट मनोनीत हुने ब्यबस्था रहेको छ ।राष्ट्रियसभाका एक तिहाई सदस्यको कार्यकाल प्रत्येक दुई वर्षमा समाप्त हुने व्यवस्था रहेको छ।

तपाईको प्रतिक्रिया

सम्बन्धित समाचार