परराष्ट्रमन्त्रीको ज़िम्मेवारीमा खड्का नियुक्त, राष्ट्रपतिलाई पठाइयो पत्र

  भिजन अनलाईन न्युज संबाददाता प्रकाशित:  291 पटक हेरिएको

काठमाडौं, असोज ६ ।   

सरकार गठनको लामो समय पश्चात केहि मन्त्रीपरिषद बिष्तार गर्दै परराष्ट्रमन्त्रीमा नेपाली कांग्रेसका नेता डा. नारायण खड्का नियुक्त गरेका छन् । सत्तागठबन्धनको हिजो बसेको बैठकबाट खड़कालाई परराष्ट्र मन्त्री नियुक्त गर्ने सहमति भएको थियो सोही बमोज़िम आज सरकारले परराष्ट्र मन्त्रालयको ज़िम्मेवारीमा खड़कालाई नियुक्त गरेको हो ।

खड्का परराष्ट्रमन्त्रीमा नियुक्त भएको जानकारीसहितको पत्र राष्ट्रपति समक्ष पठाइसकिएको प्रधानमन्त्री शेरबहादुर देउवाको सचिवालयले जनाएको छ । प्रधानमन्त्री देउवाका स्वकीय सचिव भानु देउवाले भने, ‘परराष्ट्रमन्त्रीमा नारायण खड्कालाई नियुक्त गरिएको जानकारी राष्ट्रपतिलाई गराइसकिएको छ ।’ राष्ट्रपति कार्यालयले शपथ ग्रहण हुने समय तोक्न भने बााकी रहेको उनले बताए ।

समय निश्चित गरेपछि राष्ट्रपति विद्यादेवी भण्डारीले खड्कालाई मन्त्री पदको शपथ ग्रहण गराउनेछिन् । आजै कार्यभार सम्हालेर मन्त्री खड्का संयुक्त राष्ट्रसंघको महासभामा भाग लिन न्यूयोर्क जाने कार्यक्रम छ ।

सत्ता गठबन्धनका नेताहरुको मंगलबार बसेको बैठकमा डा. खड्कालाई परराष्ट्रमन्त्री नियुक्त गर्ने सहमति भएको थियो ।

तपाईको प्रतिक्रिया

सम्बन्धित समाचार