आत्महत्याको प्रयास गरेका गायक दीपक परियारको उपचारका क्रममा मृत्यु

  भिजन अनलाईन न्युज संवाददाता प्रकाशित:  712 पटक हेरिएको

रुपन्देही, असार १२ ।   

आत्महत्याको प्रयास गरेका गायक दीपक परियारको उपचारका क्रममा मृत्यु भएको छ । गुल्मीको दबार गाउँपालिका स्थायी घर भई रुपन्देहीको तिलोत्तमा–१० कान्छीबजार बस्दै आएका उनी कोठाको सिलिङ फ्यानमा झुण्डिएको अवस्थामा भेटिएपछि उपचारका लागि युनिभर्सल मेडिकल कलेजमा लगिएको थियो ।

तर उपचारका क्रममा उनको मृत्यु भएको इलाका प्रहरी कार्यालय मंगलापुरका प्रमुख लक्ष्मण थापाले जानकारी दिए ।

कान्छीबजारमा श्रीमतीका साथ दिदीको घरमा बस्दै आएका दीपक राष्ट्रिय लोक तथा दोहोरी गित प्रतिष्ठान रुपन्देहीका सदस्य हुन् । उनले बिहीबार मात्रै नयाँ गीत रेकर्ड गराएका थिए । दीपकको शव पोष्टमार्टमका लागि भैरहवाको भीम अस्पतालमा लगिएको र घटनाको विषयमा अनुसन्धान भइरहेको प्रहरीले जनाएको छ । केही दिन अघि मात्र गीत रेकर्ड गराएका दिपकले भारतीय सिने नायक सुशान्त सिंह राजपूतको मृत्युको खबर सिअर गर्दै RIP लेखेका थिए । एध्यपि कारण भने खुलेको छैन ।

 

तपाईको प्रतिक्रिया

सम्बन्धित समाचार