इटलीमा काेराेनाकाे त्रास १ करोड ६० लाख जनामाथि यात्रा प्रतिबन्ध

  भिजन अनलाईन न्युज संवाददाता प्रकाशित:  645 पटक हेरिएको

काठमाण्डौ, फागुन २५ ।

इटलीमा काेराेना भाइरस (कोभिड–१९) को सङ्क्रमण रोक्नको लागि एक करोड ६० लाख मानिसहरुलाई यात्रा गर्न प्रतिबन्ध लगाइएकाे छ । ती मानिसहरुलाई यथास्थानमा बसिरहन भनिएको छ । 

सरकारको आदेशअनुसार लोम्बार्डी र अन्य १४ वटा प्रान्तका मानिसहरुलाई अब यात्रा गर्नका लागि इजाजत लिनुपर्नेछ । मिलान र भेनिस पनि कोरोना भाइरसको सङ्क्रमणबाट प्रभावित भएका छन् । प्रधानमन्त्री ग्युसेप कन्टेले देशभरिकको स्कुल, जिम, म्युजियम, नाइटक्लब र अन्य ठाउँहरुलाई बन्द गर्न आदेश दिएका छन् । 

आइतबार प्रधानमन्त्री कन्टेले भने, ‘हामी आफ्नो नागरिकको स्वास्थ्यको ग्यारेण्टी दिन चाहन्छौँ । हामीलाई थाहा छ यस्तो कदमले नागरिकहरुलाई समस्या हुन्छ ।’ चीनबाहिर यस्तो किसिमको कडा कदम केवल इटलीले मात्र उठाएको छ, यो आउँदो ३ अप्रिलसम्म लागू हुनेछ । युरोपमा कोरोना भाइरसबाट इटली सबैभन्दा धेरै प्रभावित भएको छ । शनिबार सङ्क्रमणको दर इटलीमा तीव्र रुपमा बढेको थियो । 

इटलीमा जसरी कोरोना रोकथामको लागि कडा कदम उठाइएको छ, यसको दायरामा देशको एक चौथाइ जनसङ्ख्या पर्छ । इटलीको उत्तरी इलाका कोरोना भाइरसबाट प्रभावित हुनु इटलीका लागि गम्भीर कुरा हो, जसले देशको अर्थव्यवस्थालाई ऊर्जा दिने गर्छ । 

इटलीमा कोरोनाबाट ज्यान गुमाउनेको सङ्ख्या दुई सय ३० नाघिसकेको छ । अधिकारीहरुका अनुसार पछिल्लो २४ घण्टामा ३६ जनाको ज्यान गएको छ । शनिबार कोरोना पुष्टि भएको सङ्ख्या शुक्रबारको तुलनामा १२ सय बढेर पाँच हजार आठ सय ८३ भएको छ ।  

तपाईको प्रतिक्रिया

सम्बन्धित समाचार