2097 पटक हेरिएको 
काठमाडौं, माघ २३ ।
कलंकी अन्डरपासमा टिपरको ठक्करबाट दुईजनाको मृत्यु भएको छ । गएराति पौने १ बजे टिपरको ठक्करबाट मोटरसाइकलमा सवार दुईजनाको मृत्यु भएको प्रहरीले जानकारी गराएको छ । मृत्यु हुनेमा दुवै रौतहट निवासी रहेको खुलेको प्रहरीले जनाएको छ ।
०३००४ प ५५० नम्बरको मोटरसाइकललाई टिपरले ठक्कर दिएको थियो । टिपर भने ठक्कर दिएपछि फरार भएको प्रहरीले जनाएको छ । मृत्यु हुनेमा रौतहटका राकेशकुमार चौधरी र मुन्ना चौधरी रहेको महानगरीय प्रहरी वृत्त कालीमाटीका डीएसपी रुगम कुँवर पत्रकारहरलाई जानकारी दिए ।
उनका अनुसार घाइते दुवै जनाको उपचारको क्रममा त्रिवि शिक्षण अस्पतालमा ज्यान गएको हो । ट्रिपर फरार रहेकोले ट्रिपरको पहिचान नखुलेको प्रहरीले जनाएको छ । खोजी कार्य जारी रहेको प्रहरीले जनाएको छ ।
