342 पटक हेरिएको काठमाडौं, पौष २० ।
नेकपाका अध्यक्ष पुष्पकमल दाहाल प्रचण्ड पत्नी सीता दाहाललाई उपचारका लागि सोमबार मुम्बई लगिएको छ । प्रचण्ड पनि पत्नी सीता दाहालसँगै मुम्बई प्रस्थान गरेका छन् ।
प्रचण्डनिकट स्रोतका अनुसार मुलुकको राजनीतिक र पार्टीको बैठक चलिरहेकाले प्रचण्डले यसपल्ट नजान चाहेका थिए । तर, पत्नी सीताले जिद्दि गरेकाले सँगै गएका हुन् ।
प्रचण्डपत्नी सीता लामो समयदेखि बिरामी छन् । केही दिनअघि उनको मिडिसिटी अस्पतालमा पनि उपचार गरिएको थियो । थप उपचारका लागि मुम्बई लैजानुपर्ने अवस्था आएको प्रचण्डनिकट स्रोत बताउँछ ।
