राप्रपाको मतगणना शुरु अध्यक्षमा लिङ्देनको अग्रता, १०५० मत गन्दा कमल थापा ८५ मतले पछाडि

  भिजन अनलाईन न्युज संबाददाता प्रकाशित:  295 पटक हेरिएको

काठमाण्डौँ, मंसिर १९ ।  

राष्ट्रिय प्रजातन्त्र पार्टी (राप्रपा) को नयाँ नेतृत्वका लागि भएको मतदानमा अध्यक्षका प्रत्यासी राजेन्द्र लिङ्देनले अग्रता लिएका छन ।आज बिहानैबाट शुरु भएको मतगणनाको प्रारम्भीक मतगणनामै अग्रता लिएका लिङ्देनले १०५० मत गणना हुँदा ५१६ मतसहित अग्रता कायम राखेका छन्। अध्यक्षका अर्का प्रत्यासी कमल थापाले ४३१ मत पाएका छन्। यस्तै १०३ मत बदर भएको निर्वाचन समितिले जानकारी दिएको छ। राजेन्द्र लिङ्गदेन राप्रपाको एक मात्र प्रतिनिधि सभाका सांसद हुन ।

निर्वाचन समितिका राजु बस्नतेका अनुसार कागजी मतपत्रबाट मतदान भएको अध्यक्ष पदका लागि मतगणना प्रक्रिया केहीबेर अघि सुरू भएको हो। अध्यक्षको मत परिणाम आएपछि मात्र अन्य नतिजा सार्वजनिक गरिने उनले बताए। राप्रपामा चार उपाध्यक्ष र तीन महामन्त्रीसहित १४८ जना केन्द्रीय सदस्यका लागि निर्वाचन भएको हो। सात सह-महामन्त्री, कोषाध्यक्ष, सह कोषाध्यक्ष, प्रवक्ता, सहप्रवक्तासहित २५ प्रतिशत निर्वाचित अध्यक्षले मनोनित गर्ने व्यवस्था छ।

चार उपाध्यक्षका लागि महिला कोटामा रोशन कार्की र लीलादेवी श्रेष्ठको उम्मेदवारी परेको छ। पुरुषतर्फ जगतप्रसाद गौचन, विक्रम पाण्डे, रामचन्द्र राय, बुद्धिमान तामाङ, ध्रुवबहादुर प्रधान, दिलविकास राजभण्डारी, र दुर्गा श्रेष्ठको उम्मेदवारी परेको छ। एक महिलासहित तीन महामन्त्रीका लागि रेखा थापा, कुन्ती शाही, धवलशमशेर राणा, श्याम तिमल्सिना, भुवन पाठक र भाष्कर भद्राको उम्मेदवारी परेको छ।

तपाईको प्रतिक्रिया

सम्बन्धित समाचार