वैधानिक हतियार बुझाऊ, चुनावपछि फिर्ता लैजाऊ-गृह मन्त्रालय

  भिजन अनलाईन न्युज संवाददाता प्रकाशित:  1018 पटक हेरिएको

काठमाडौं, मंसिर, ८। गृह मन्त्रालयले अनुमतिप्राप्त हतियार नजिकको प्रहरी कार्यालयमा बुझाइदिन सबैलाई अनुरोध गरेको छ ।

यही मंसिसर १४ गते हुने उपनिर्वाचनको सुरक्षालाई ध्यान दिँदै व्यक्तिसँग रहेका इजाजतप्राप्त हतियार यही मंसिर १० गतेभित्र बुझाउन गृहले आग्रह गरेको हो । उपनिर्वाचन सम्पन्न भएपछि इजाजत प्राप्त हतियार सम्बन्धित व्यक्तिले फिर्ता लैजान सक्ने मन्त्रालयका अधिकारीहरु बताउँछन् ।

आगामी मंसिर १४ गते ३७ जिल्लामा उपनिर्वाचन हुँदैछ । उपनिर्वाचनलाई निष्पक्ष, शान्तिपूर्ण र भयरहित वातावरणमा सम्पन्न गराउन हतियार बुझाउन आवश्यक रहेको गृहको भनाइ छ ।

मन्त्रालयले जारी गरेको सूचनामा ‘हातहतियार खरखजाना ऐन २०१९’ को दफा ८ अनुसार सम्बन्धित जिल्लाका व्यक्तिसँग रहेका इजाजतप्राप्त हतियार स्थानीय प्रहरी कार्यालयमा अनिवार्यरूपमा बुझाउन भनिएको छ ।

गृहमन्त्रालयको सूचना हेर्नुहोस् ।

तपाईको प्रतिक्रिया

सम्बन्धित समाचार