भोलिबाट निजी गाडी जोरबिजोर गरेर चलाउन दिइने, ब्यबसायिक पसलहरु पनि खोल्ने मन्त्रिपरिषदको निर्णय

काठमाण्डौँ, जेठ २८ ।

नेपाल सरकार तथा मन्त्रिपरिषदको आज बसेको बैठकले लकडाउनलाई खुकुलो बनाउने निर्णय गरेको छ। बुधबार बेलुकि बसेको मन्त्रिपरिषद् बैठकले लकडाउनमा जोरविजोर नम्बर प्लेटका आधारमा गाडी चलाउने निर्णय गरेको हो। बिहीवारदेखि निजी सवारी साधन जोरबिजोर गरेर चलाउन दिइने निर्णय भएको एक मन्त्रीले संचारमाध्यमलाई जानकारी गराए ।

निजी सवारी साधन जोर बिजोर गरेर चल्न दिने निर्णय भएको छ, उनले भने, सार्वजनिक सवारी साधन भने चल्न पाउने छैनन् । जोरविजोर लागू भएपछि जोर गतेका दिन जोर नम्बर प्लेटका गाडी चलाउन मिल्नेछ भने विजोर गतेका दिन विजोर नम्बरका गाडी गुड्नेछन्। यससँगै पसलहरू पनि भोलिबाट खुल्न पाउने भएका छन् ।

त्यस्तै लाखौँ विद्यार्थीहरूको भविष्यसँग जोडिएको एसईई परीक्षा भने आन्तरिक मूल्यांकनबाट गरिने भएको छ। एसईई परीक्षा नहुने भएपछि सम्बन्धीत विद्यालयकै मूल्यांकनलाई मान्यता दिइने भएको हो।

कोरोनाका कारण विगतको जस्तै गरी एसईई परीक्षा गर्न नसकिने निष्कर्ष निकालेको शिक्षा मन्त्रालयले कानुन संशोधनका लागि मन्त्रिपरिषद्मा प्रस्ताव लगेको थियो। कोरोनाको त्रासका कारण एसईई परीक्षाको अघिल्लो दिन मात्र स्थगित भएको थियो । नेपालमा चैत ११ देखि लकडाउन सुरु भएपछि शैक्षिक संस्था खुल्न सकेका छैनन्।

सम्बन्धित समाचार या पनि पढ्नुहोस् ।