922 पटक हेरिएको काठमाडौँ, चैत्र ७ ।
गैर आवासीय नेपाली संघ (एनआरएनए) को निर्वाचन प्रक्रिया तत्काल रोक्नका लागि पाटन उच्च अदालतले अन्तरिम आदेश जारी गरेको छ ।न्यायाधीश दुर्गा बहादुर विश्वकर्माको एकल इजलासले तत्कालका लागी निर्वाचन रोकी दुवै पक्षलाई छलफलका लागि बुधबार (चैत्र ९ गते) बोलाउने र त्यतिन्जेल सम्म निर्वाचनको सम्पूर्ण प्रक्रिया रोक्न सोमबार अन्तरिम आदेश जारी गरेको हो।
एनआरएनएन निर्वाचन मतदाता नामावलीप्रति असंतुष्ट जनाउँदै चिन्तामणि सापकोटा र उमेश कुमार पुडासैनीले दायर गरेको रिट निवेदन माथि प्रारम्भिक बहस गर्दै उक्त आदेश दिइएको हो।
एनआरएनएमा संस्थापन पक्षले यही मार्च २४ र २५ तारिखमा अनलाईनमार्फत निर्वाचन गर्ने तयारी गरिरहेको छ भने निर्वाचन प्रक्रियामा असंतुष्ट पक्षले भने यही मार्च २२ देखि २५ सम्म महाधिवेशन र निर्वाचन गर्ने तयारी गरिरहेको छ । अदालतको यो फैसला आएपछि एनआरएनमा दुवै पक्षलाई सहमतिको लागि बाटो खुलेको छ । यस अघि नै कुल आचार्यको टिमले निर्वाचन रोकी बार्ताको माध्यमबाट समाधान खोज्न भन्दै बार्ता समिति समेत गठन गरेको थियो ।
पाटन उच्च अदालतद्वारा जारी आदेश
