340 पटक हेरिएको 
काठमाण्डौं, कार्तिक २३ ।
नेपालमा पछिल्लो २४ घण्टामा नेपालमा २८ सय १७ जना कोरोना संक्रमित थपिएका छन्। योसँगै नेपालमा संक्रमितको संख्या १ लाख ९४ हजार ४६३ पुगेको स्वास्थ्य मन्त्रालयका प्रवक्ता डा। जागेश्वर गौतमले जानकारी दिए । आज १२ हजार ३११ जनामा गरिएको परीक्षणमा ती संक्रमित देखिएका हुन् । आज थपिएका मध्य उपत्यकामा १४३३ जना संक्रमित थपिएका छन् । जस मध्य काठमाण्डौमा १२९४, भक्तपुर ७७ र ललितपुरमा १६२ जना थपिएका छन् ।
आज कोरोना मुक्त हुनेको संख्या २८ सय १२ जना रहेका छन् । यो सगैँ कुल डिस्चार्ज हुनेको संख्या एक लाख ५७ हजार ९२६ जना रहेको छ । देशभर सक्रिय संक्रमितको संख्या ३५ हजार ४१९ रहेको छ। संस्थागत आईसोलेसनमा ६ हजार २२२ जना रहेका छन् । होम आईसोलेसनमा २९ हजार १९७ जना रहेका छन् । क्वारीन्टीनमा एक हजार १४९ जना रहेका छन् ।
