ओली समूहको प्रदेश भेला काठमाडौंमै, दोस्रो तहको नेताले सम्बोधन गर्ने

  भिजन अनलाईन न्युज संवाददाता प्रकाशित:  981 पटक हेरिएको

काठमाडौं, पुस ८, ।   

नेकपाका केपी शर्मा ओली समूह बुधबार सातै प्रदेश भेला गरिरहेका छन् । तर, सबै प्रदेशभेला राजधानी उपत्यकाका पार्टी प्यालेस र कलेजहरुमा आयोजना गरिएको छ । हिजो बसेको के पी ओली समूहको बैठकले केन्द्रीय सदस्य भन्दा नी बहुमत सदस्य थपी महाधिवेशन समिति गठन गरे पछी ७ वटै प्रदेश कमिटीको भेला राख्ने निर्णय गरेका थिए ।

प्रदेश १ को भेला अनुपम पार्टी प्यालेस बत्तिसपुतली, प्रदेश २ को अनामनगरस्थित एक इन्जिनियरिङ कलेजमा, बागमती प्रदेशको रोयल पार्टी प्यालेस तीनकुने, गण्डकी प्रदेशको सहकारी बोर्डको अफिस पुल्चोक, लुम्बिनी प्रदेशको इन्द्रेणी ब्याङ्केट नयाँ बानेश्वर, कर्णाली प्रदेशको एसियन पार्टी प्यालेस सुकेधारा र सूदुरपश्चिम प्रदेशको कार्निभल रेष्टुरेन्टमा भइरहेको छ ।

यो समूहले प्रदेश १ को भेलामा सम्बोधन गर्न सुवासचन्द्र नेम्वाङ, प्रदीप ज्ञवाली, मणि तथा र डा. शिवमाया तुम्बाहाङ्फेलाई खटाएको छ । प्रदेश २ को भेलामा ईश्वर पोखरेल, रघुवीर महासेठ, सत्यनारायण मण्डल र जुलीकुमारी महतो खटिएका छन् ।

बागमती प्रदेशमा ईश्वर पोखरेल, टोपबहादुर रायमाझी र पदमा अर्याल, गण्डकी प्रदेशमा टोपबहादुर रायमाझी, पृथ्वी सुब्बा गुरुङ, किरण गुरुङ र सीता पौडेल, लुम्बिनी प्रदेशमा विष्णु पौडेल, शंकर पोखरेल, मणि तथा र गोमा देवकोटा खटिएका छन् ।

कर्णाली प्रदेशको भेला शंकर पोखरेल, छविलाल विश्वकर्मा, यामलाल कँडेल र सुजिता शाक्य र सुदूरपश्चिम प्रदेशमा लेखराज भट्ट, प्रदीप ज्ञवाली, कर्णबहादुर थापा र डा. विन्दा पाण्डे खटिएका छन् ।

भेलामा राजधानीमा उपलब्ध ओली समूहका नेता तथा कार्यकर्ता सहभागी छन् । मंगलबार मात्रै महाधिवेशन आयोजक कमिटी गठन गरेको यो समूहले सातै प्रदेशको भेला राखेको हो । बहिीबार ओली समूहको केन्द्रीय कमिटी बैठक बस्दैछ ।

तपाईको प्रतिक्रिया

सम्बन्धित समाचार