4799 पटक हेरिएको 
अर्घाखाँची, मंसिर १४ ।
अर्घाखाँचीको मालारानी गाउँपालिका वडा नम्बर ३ मा नेपाली कांग्रेसका उम्मेदवार शोभाखर खनाल विजयी भएका छन् ।
नेकपाका यामलाल खनाललाई पराजित गरी शोभाखर १ सय ६ मत अन्तरले विजयी भएका हुुन । शोभाखरले १ हजार १ सय ५१ मत प्राप्त गरे भने, यामलाले १ हजार ५३ मत मात्र प्राप्त गरेका छन ।
चितवन: सत्तारुढ नेपाल कम्युनिस्ट पार्टी (नेकपा) अध्यक्ष पुष्पकमल दाहाल ‘प्रचण्ड’को गृहजिल्ला चितवनमा कांग्रेसले जितेको छ ।
चितवन जिल्लाको खैरहनी वडा नम्बर ५ को वडाध्यक्षमा कांग्रेस नेत्री प्रतिमा कार्की विजयी भएकी छन् । भरतपुर महानगरपालिका – १६ मा नेपाली कांग्रेसका अमृतराज हमाल विजयी भएका छन् । चितवन वडा नं ४ मा नेपाली काङग्रेसका देव वहादुर वस्नेत १२० मतले विजयी भएका छन् ।
दाङ: कम्युनिस्ट मुख्यमन्त्री शंकर पोखरेलको गृहजिल्ला दाङमा नेपाली कांग्रेसले जितेको छ ।
दाङ जिल्लाको घोराही उपमहानगरपालिका वडा नम्बर १६ मा भएको वडाध्यक्ष पदको उपनिर्वाचनमा कांग्रेसका उम्मेदवारले जितेका हुन् ।
कांग्रेसका उम्मेदवारले ७ सय ६५ मत ल्याएर विजयी भएका छन् भने नेकपा उम्मेदवार पराजित भएका छन् । यसअघि कांग्रेसले बैतडी, बाजुरा, चितवन, अर्घाखाँचीमा जित हात पारेको छ ।
