264 पटक हेरिएको चितवन, मंसिर १३ ।
नेकपा एमालेको दसौं महाधिवेशनबाट वरिष्ठ उपाध्यक्ष, महासचिव र तीन जना उपमहासचिव निर्विरोध चुनिने भएका छन्। चितवनको सौराहामा जारी १० औँ महाधिबेशनलाई सर्वसम्मत बनाउने अध्यक्ष ओलीको प्रयास असफल भएको छ । हिजो दिनभरीको प्रयास पछि पदाधिकारी सहित ३०१ जना केन्द्रिय पदाधिकारी तथा सदस्यहरुको नामाली सार्वजनिक गरेका ओलिले नेकपा एमालेका ९ औँ महाधिबेशनबाट अत्यधिक मतसहित बिजयी उपाध्यक्ष भिम रावल र उप महासचिब घनश्याम भुसाललाई पदाधिकारी लिष्टमा नै मनोनित गरिएन । अध्यक्ष ओलिको आग्रहलाई अस्वीकार गर्दै उपाध्यक्ष भीम रावलले अध्यक्षमा र उपमहासचिब घनश्याम भूसालले उपाध्यक्ष सहित अन्य प्रतिनिधिहरुबाट समेत केन्द्रिय पदाधिकारी पदमा आफ्नो मनोनयन दर्ता गरेका छन ।
तर वरिष्ठ उपाध्यक्षमा ईश्वर पोखरेल, महासचिवमा शंकर पोखरेल र उपमहासचिवमा पनि प्रदीप ज्ञवाली, पृथ्वीसब्बा गुरूङ, विष्णु रिमालविरूद्ध निर्धारित समयमा कसैले उम्मेदवारी नदिएपछि उनीहरू निर्विरोध निर्वाचित हुन लागेका हुन्। तर निर्वाचन समितिले भने सार्वजनिक रुपमा घोषणा भने गरेका छैनन । यसअघि आइतबार राति अध्यक्ष केपी शर्मा ओलीले सर्वसम्मतिका लागि उनीहरूको नाम बन्दसत्रमा पेस गरेका थिए।
यी पाँच जनाबाहेक अरू पदाधिकारीमा भने चुनाव हुने भएको छ। ओलीले फेरि एमाले अध्यक्ष बन्न भीम रावलको सामना गर्नु पर्ने भएको छ। ओली र रावल दुबै जनाले उम्मेदवारी दर्ता गरिसकेका छन्। त्यस्तै उपाध्यक्षमा पनि चुनाव हुने भएको छ। ओलीले विष्णु पौडेल, युवराज ज्ञवाली, अष्टलक्ष्मी शाक्य, सुरेन्द्र पाण्डे, रामबहादुर थापा, सुवासचन्द्र नेम्वाङलाई सर्वसम्मत उपाध्यक्ष बनाउन प्रस्ताव गरेका थिए। उनीहरूविरूद्ध उपमहासचिव घनश्याम भुसालले सोमबार उम्मेदवारी दिएका छन्।
सचिवमा पनि चुनाव हुने भएको छ। सचिवमा ओलीले टोपबहादुर रायमाझी, रघुवीर महासेठ, छविलाल विश्वकर्मा, लेखराज भट्ट, योगेश भट्टराई, गोकर्ण विष्ट र पद्मा अर्याललाई प्रस्ताव गरेका थिए। ओलीको प्रस्तावमा असहमति जनाउँदै भीम आचार्य र टंक कार्कीले उम्मेदवारी दिएका छन्।
