महराले थुनामा पठाउने आदेशविरुद्ध उच्च अदालत, पाटनमा निवेदन दर्ता गराए

  भिजन अनलाईन न्युज संबाददाता प्रकाशित:  684 पटक हेरिएको

काठमाडौं मंसिर, ५ । संसद सचिवालयका कर्मचारीमाथि बलात्कारको प्रयास गरेको अभियोगमा कारागारमा रहेका निवर्तमान सभामुख कृष्णबहादुर महराले थुनामा पठाउने आदेशविरुद्ध उच्च अदालत, पाटनमा निवेदन दर्ता गराएका छन् ।

जिल्ला अदालत, काठमाडौंको आदेश बदर गर्न माग गर्दै महराले उच्च अदालत, पाटनमा निवेदन दर्ता गराएका हुन् । फौजदारी कार्यविधि संहिता–२०७४ मा रहेको व्यवस्था बमोजिम बिहीबार महराले निवेदन दिएको अदालतका सूचना अधिकारी मोहन सुवेदीले अनलाइनखबरलाई बताए ।

जिल्ला अदालत, काठमाडौंका न्यायाधीश सुदर्शनराज पाण्डेको इजलासले १८ कात्तिकमा महरालाई पुर्पक्षका लागि थुनामा पठाउने आदेश दिएको थियो ।

घटना विवरण कागजात, जाहेरी दरखास्त र तत्काल प्राप्त प्रमाणको आधारमा महरा कसूरदार होइन भन्न नसकिएको भन्दै उनलाई थुनामा पठाउन आदेश भएको थियो ।

त्यसयता उनी डिल्लीबजार कारागारमा छन् । महरालाई १९ असोजमा प्रहरीले बालुवाटारस्थित सभामुखको सरकारी निवासबाटै पक्राउ गरी मुद्दा चलाएको थियो ।

तपाईको प्रतिक्रिया

सम्बन्धित समाचार