1099 पटक हेरिएको 
काठमाडौँ कार्तिक १८ ।
सामाजिक अभियन्ताको हेम बहादुर थापा र उनकी जीवन संगिनी माया थापाको सेवा भावमा सम्मान र उनीहरु प्रति समर्पित गीत ‘असल मन’ सार्बजनिक गरिएको छ । डि. ए.आर. मुभिज एण्ड फिल्म्स इण्डस्ट्रिजको प्रस्तुतिमा असल कर्मले पहिचान बनाउन सफल दम्पतिको बारेमा प्रभावन जे को लय शब्द र सुमधुर स्वरकी धनि गायिका गिता देवी डि.एन.दाहाल (धनपति),प्रभावन जेको स्वर रहेको छ । सार्बजनिक भिडियोलाइ रोशन झाले निर्देशन गरेका हुन् । जयन्द्र कुँवरले छायांकन गरेको भिडियोलाइ बिबेक सुनारले सम्पादन गरेका हुन् ।
२०३१ सालमा तेह्रथुमको मोराहंगमा जन्मिएका हेम बहादुर थापा सानै देखि सामाजिक कार्यमा सक्रिय रहेका थिए । उनले गाउँमा मन्दिर बनाउने बिद्यालय बनाउने लगाएत बिपन्न बर्ग, असहायहरुको सेवा गरि नै रहे । हाल उनि अमेरिकामा ब्यबसाय गरेर बसिरहेका छन् । उनले अमेरिकामा रहेर त्यहाँ पुगेर बिचल्ली परेका नेपालीलाइ सघाउने मात्र नभई नेपालमा समस्यामा पर्ने थुप्रै व्यक्तिको लागि आर्थिक सहयोग गरि सकेका छन् ।
२०७२ सालको महाभूकम्प, २०७४ सालको बाढी पिडित, तेर्हथुमका क्यान्सर पिडित मनराज लिम्बु, रौतहटका नन्द किशोर यादब, झापाका मृगौला पिडित बोधराज खनाल , तारानाथ खनाल, शारीरिक रुपमा अशक्त नीलमणि अधिकारी, मृगौला पिडित सोफिया अधिकारी, साउदी जेलमा जेल जीवन बिताई रहेका कुमार राणालाइ नेपाल फर्काउन उनले आर्थिक सहयोग गरे । उनले ‘खड्ग जोशी बचाऊ’ अभियानको लागि पनि महत्वपूर्ण योगदान दिएका छन् । पर्साको मौवानधापमा रहेको दलित प्राथमिक विद्यालयको स्तर उन्नतिको लागि पनि उनले आर्थिक सहयोग गरे उनले यसरि गरेका सहयोगहरु सबैको लेखा जोखा नै छैन ।
बिश्वको सुविधा सम्पन्न राष्ट्र अमेरिकामा रहेर विलासी जीवन जिउन सक्ने थापालाइ नेपालमा रहेका दुखि, पिडित र अशक्तहरुको पीडामा मलम लगाउन अग्रसर थापा आफ्नो जीवनका सम्पूर्ण स्वर्णिम र उर्जाशील समय कर्म क्षेत्रमा नै लगाएर कमाएका पसिनाका मुल्यहरु आफ्नो देशमा समाज सेवामा लगाउदै आएका छन । पछिल्लो समय भने हेम एण्ड माया फाउण्डेशन खोलि एकद्धार प्रणलीबाट सामाजिक कार्यमा सहयोग गर्दै आएका छन । उनै दम्पति हेम बहादुर थापा र माया थापा प्रति समर्पित यो गीत तपाईहरुको लागि यहाँ सियर गरिएको छ । हेरेर प्रतिक्रिया दिन नभुल्नुहोला ।
भिडियो हेर्न तल क्लिक गर्नुहोला ।
