नागढुङ्गा–सिस्नेखोला सुरुङमार्ग भोलि सोमवार प्रधानमन्त्रिद्वारा शिलान्यास

  भिजन अनलाईन न्यूज संवाददाता प्रकाशित:  590 पटक हेरिएको

काठमाडौंकात्तिक ३ । सडक पूर्वाधारमा महत्वपूर्ण संरचना मानिएको नेपालकै पहिलो नागढुङ्गा–सिस्नेखोला सुरुङमार्ग सोमवार प्रधानमन्त्रि के. पि ओलीद्वारा शिलान्यास गरिने भएको छ । 

जापान अन्तर्राष्ट्रिय सहयोग नियोग (जाइका)को ०.०१ प्रतिशत सहुलियत ऋण सहयोगमा साँढे दुई वर्षअघिदेखि सुरुङमार्ग निर्माण प्रक्रिया शुरु भएको थियो । यसका लागि २२ अर्ब लाग्नेमा जाइकाले १६ अर्ब सहयोग गर्ने र रु छ अर्ब नेपाल सरकारले आन्तरिक स्रोतबाट परिचालन गर्ने नागढुङ्गा सुरुङमार्ग निर्माण आयोजनाले जनाएको छ ।

सोमवार अपरान्ह चन्द्रागिरि नगरपालिका–१ टोटेपाखामा सुरुङमार्ग  शिलान्यासका लागि प्रधानमन्त्री केपी शर्मा ओलीलाई आमन्त्रण गरिएको आयोजना निर्देशक श्यामप्रसाद खरेलले बताए । उक्त शिलान्यास कार्यक्रममा यातायात मन्त्रि रघुबिर महासेठलाई पनि आमन्त्रण गरीएको जनाएको छ । त्यस्तै उक्त कार्यक्रममा मन्त्रालयका सचिब, बिभागिय प्रमुख लगायत अन्य कर्मचारीहरुको पनि उपस्थित रहनेछ ।

प्रवेश मार्गसहित ५.५६ किमी सुरुङ मार्ग निर्माणले नेपालको पूर्वाधार विकासमा महत्वपूर्ण योगदान पुग्ने  विश्वास गरिएको जानकारी दिँदै उनले करीब छ अर्ब प्रभावितलाई मुआब्जा वितरणमै खर्च हुने उल्लेख गरे । काठमाडौंको चन्द्रागिरि नगरपालिका–१, ३ र ५ का पीडितलाई मुआब्जा वितरण भइरहेको र हालसम्म मुआब्जा वितरणको ८५ प्रतिशत काम सम्पन्न भएको उनले सुनाए । 

धादिङको धुनिवेशी नगरपालिका–९ का प्रभावितलाई मुआब्जा दिने निर्णय भइसकेको हुँदा छिटो वितरण प्रक्रिया पनि शुरू गरिनेछ । चार वर्षमा सुरुङ मार्ग निर्माण सम्पन्न गर्ने लक्ष्य राखिएको छ । 

तपाईको प्रतिक्रिया

सम्बन्धित समाचार