एनआरएनए चुनाव : कुल आचार्यको प्यानल घोषणा (नामावली सहित)

  भिजन अनलाईन न्युज संवाददाता प्रकाशित:  542 पटक हेरिएको

काठमाडौं असोज,२७। गैरआवासीय नेपाली संघ (एनआरएनए)को केन्द्रीय अध्यक्ष पदका प्रत्यासी कुल आचार्यले आफ्नो टिमलाई अन्तिम रुप दिएका छन्।

काठमाडौँमा सोमबार दिउँसो पत्रकार सम्मेलन गर्दै आफ्नो टिम घोषणा गरेका हुन्। आचार्यले मुख्य पदका उम्मेदवारहरुलाई एकै ठाउँमा राखेर आफ्नो समूह मजबुत रहेको दावीसमत गरे ।एक महासचिवका लागि धेरैले उम्मेदवारी घोषणा गरेकोले आचार्य टिम मिलेको थिएन । महासचिवमा  अन्तत: बेल्जियम निवासी जानकी गुरुङको नाममा सहमति भएको छ ।

आचार्य समूहको समर्थनमा गुरुङले महासचिव पदमा उम्मेदवारी दिने पक्का भएको छ। आचार्य समूहमा यसअघि  अमेरिकाका  डा. केशव पौडेल र मध्यपूर्वका डीबी क्षेत्रीले पनि महासचिव पदका लागि दावी गर्दै आएका थिए।अमेरिकाका डा. पौडेलले अन्तत: उपाध्यक्ष पदमा उम्मेदवारी दिने भएका छन्। काठमाडौं पुगेर नै महासचिव पदमा उम्मेदवारी घोषणा गरेका उनले साथीभाइको सल्लाहमा महासचिवबाट पछि हटेर उपाध्यक्षमा उम्मेदवारी दिन सहमत भएको बताउ ।

तर, मध्यपूर्वका क्षेत्री भने पत्रकार सम्मेलनमा उपस्थित भएनन्। कांग्रेस निकटले चिनिएको आचार्य समूहले नेकपा निकट ठानिएका क्षेत्रीलाई पनि समेटेर समाबेशी टिम बनाएको दावी गर्दै आएको थियो।आचार्य समूहबाट उपाध्यक्षमा डा. पौडेलसँगै, मन केसी (अष्ट्रेलिया), नरेन्द्र भाट (मध्यपूर्व), रबिना थापा (अमेरिका)ले उम्मेदवारी दिने भएका छन्। यस्तै वर्तमान सह-कोषाध्यक्ष सोम सापकोटाले कोषाध्यक्षमा उम्मेदवारी दिने भएका छन् ।

आचार्य प्यानलका भाईटल पदाधिकारीको नामावली

  1. १.कुल आचार्य (अध्यक्ष)
  2. २.डा.केशब पौडेल(उपाध्यक्ष)
  3. ३.मन केसी ”
  4. ४.नरेन्द्र भाट ”
  5. ५.रबिना थापा ”
  6. ६.जानकी गुरुंग(महासचिव)
  7. ७.सोम सपकोटा(कोषाध्यक्ष)

पत्रकार सम्मेलनमा बोल्दै अध्यक्षका प्रत्यासी आचार्यले अन्य इच्छुक उम्मेदवारलाई समेटेर अघि बढ्ने बताए। आँफूले प्रजातान्त्रिक समूह नभइ सिङ्गो एनआरएनको समूह बनाएको दावी गर्दै आचार्यले आफ्नो प्यानलको बचाउ गरे।

महाधिबेशन प्रतिनिधिको नाम फेरबेदल भएको गुनासो आएको बताउँदै उनले यसको छानबिन हुनुपर्ने माग राखेका छन्।

तपाईको प्रतिक्रिया

सम्बन्धित समाचार