374 पटक हेरिएको 
जापान, असोज २३ ।
जापानमा पुनः अर्को शक्तिशालि ताईफु प्रवेश गरेको छ । शक्तिशाली ताईफु १५ जापानको दक्षिणी समुद्री तट हुँदै जापान प्रवेश गरेको हो। जापानी मौसम विभागका अनुसार आज बिहान ७ बजेसम्ममा ताईफु कोउची केनको करिब २६० किलोमिटर पर दक्षिणी समुद्रीतट हुँदै प्रतिघण्टा १० किलोमिटरको गतीमा अघि बढीरहेको जनाएको छ ।
यस पटकको ताईफुले आसपासका दक्षिण तथा पश्चिमी जापानलाई पनि असर पार्ने आँकलन गरिएको छ । मौसम पूर्वानुमान शाखाका अनुसार शनिबार र आईताबार टोकियो क्षेत्रमा भारी वर्षा हुनेछ । वर्षाका कारण बाढीपहिरो तथा जुबानको खतरा हुने भएकाले टोकियो क्षेत्रका वासिन्दाहरुलाई पनि बेलैमा पूर्वतयारी गर्न आग्रह गरिएको छ ।
