1091 पटक हेरिएको 
काठमाडौ, भदौ २१ ।
काठमाण्डौ जेसीसको आयोजनामा मिस टिन नेपाल २०२१ हाल काठमाडौमा जारी छ । काठमाडौ जेसिसको १७ औं संस्करण अन्तरगत मिस टीन नेपाल २०२१ आयोजना भएको हो । उक्त कार्यक्रमको हाल अडिसन राउन्ड सम्पन्न भई टयालेंट राउण्ड शुरू भईरहेको छ । काठमाडौमा जारी मिस टिन नेपाल २०२१ को भोलि भाद्र २२ गते काठमाडौको पगौडा होटलमा ट्यालेंट राउण्डको आयोजना हुन लागेको मिस कस्मोपोलाईटन वोल्डका बिजेता तथा उक्त कार्यक्रमको कोरियोग्राफ़र प्रिया रानी लामाले भिजन अनलाईन न्युजलाई जानकारी गराउनु भयो ।
भोलि हुने ट्यालेंट राउण्डमा बिभिन्न क्षेत्रका प्रतिष्ठित ब्यक्तित्व, जजेज तथा बिभिन्न संचारकर्मीहरुको उपस्थितिमा काठमाडौको पगौडा होटलमा गर्न लागिएको पनि जानकारी गराउनु भयो । भोलिको कार्यक्रममा सहभागी प्रतिस्पर्धीहरुको बौधिक तथा अन्य ट्यालेंटहरुको आधारमा मूल्यांकन गरी अघिल्लो चरणमा लैजाने पनि जानकारी गराउनु भयो । काठमाडौ जेसिसद्वारा आयोजना गरीएको मिस टिन नेपाल २०२१ को छनौट चरण सम्पन्न भएकोले आगामी दिनमा सहभागी प्रतिस्पर्धीहरुको क्षमताको आधारमा छनौट हुदै जाने पनि जानकारी गराउनु भयो ।
