270 पटक हेरिएको 
काठमाण्डौँ, भदौँ १६ ।
दशरथ रंगशालामा आज सम्पन्न नेपाल भारत मैत्रीपुर्ण खेलमा नेपाल बराबरीमा रोकिएको छ । भारत बिरुद्धको पहिलो मैत्रीपूर्ण खेलमा पहिलो हाफ्मा बनाएको अग्रता जोगाउन नसक्दा नेपाल बराबरीमा रोकिन बाध्य भएको हो। नेपालका लागि फरवार्ड अञ्जन विष्टले ३६ औँ मिनेटमा चलाखीपूर्ण रुपमा गोल गर्दै टिमलाई अग्रता दिलाएका थिए ।
तर खेलको ६० औँ मिनेटमा अनिरुद्ध थापाले भारतका लागि बराबरी गोल फर्काए । त्यसपछि पनि पाएका राम्रा अवसरमा गोल गर्न नसक्दा नेपाल बराबरीमा चित्त बुझाउन बाध्य बन्यो । यसले लामो समयदेखि भारतमाथि जीत हात पार्ने नेपालको सपना फेरी पनि पुरा हुन सकेन । तर टिमले खेल भने गुमाएन ।
भारतबाट भएका केही प्रहारलाई गोल किपर कप्तान किरण चेम्जोगंले उत्कृष्ट बचाउ गरेका थिए । असोजमा माल्दिभ्समा हुने साफ र सन् २०२२ मा हुने एशियन कप छनौटको तयारी स्वरुप नेपालले भारतसँग मैत्रीपूर्ण खेल खेलेको हो । दोस्रो खेल आईतबार साँझ हुने छ । यो खेलपछि नेपाली टोली कतार जाने छ । त्याहाँ केही प्रशिक्षण पछि नेपाली टोली सोझै माल्दिभ्स जाने छ ।
