400 पटक हेरिएको काठमाण्डौँ, नेपाल २३।
आज नेपाल भारत बिचको काभा वुमन्स नेसन्स भलिबलको फाईनल खेलमा नेपाललाई हराउदै भारतले उपाधि चुमेको छ । निकै प्रतिस्पर्धात्मक रहेको खेलमा ३ सेट भारतले जितेर खेल आफ्नो पक्षमा पार्न सफल भएको हो । काभा वुमन्स नेसन्स भलिबलको उपाधिका लागि नेपाल र भारत दुई, दुई सेटको बराबरीमा खेलेका थिए ।
त्रिपुरेश्वरस्थित कभर्ड हलमा जारी खेलको पहिलो सेट नेपाल २५–२३ ले जितेको छ । दोस्रो सेट भारतले २५–१४ ले जितेको हो । तेस्रो सेट नेपालले २५-२२ अंकले जितेको छ । चौथो सेट भारतले २५-२१ ले जितेको छ । तिन खेलमा शुरुवाती अग्रता लिएका नेपालले अन्तिम खेलमा भने भारतले शुरुवाती अग्रता लिएको थियो । निकै दबाबमा रहेको नेपालले अन्तिम खेलमा १५-५ मात्र बनाउन सकेको थियो ।
नेपालका तर्फबाट उषा भण्डारी, निरुता चौधरी, साफिया, अरुणाले उत्कृष्ट प्रदर्शन गरेका थिए । उत्कृष्ठ खेल्दा खेल्दै पनि खेलको अन्तिम निकै दबाबमा खेलेका नेपालले खेल आफ्नो पक्षमा पार्न असफल भए भने नेपाल काभा वमन्स नेसन्स भलिबलमा दोस्रो भएका छन भने भारत काभा वमन्सको बिजेता बनेका हुन । तेस्रो स्थानमा भने ईरानले आफ्नो स्थान सुरक्षित गरीसकेको छ ।
