हाँस्य कलाकार पल्पसा डंगोलको दुबै किड्नी फेल, शिक्षण अस्पताल महाराजगंजमा उपचार गर्दै

  भिजन अनलाईन न्युज संबाददाता प्रकाशित:  70 पटक हेरिएको

काठमाण्डौँ, साउन ३ ।  

हाँस्य टेलिसिरियल मेरी बास्सैका कलाकार पल्पसा डंगोलको दुबै किड्नी फेल भएको छ । उनको दुबै किड्नी फेल भएपछि उनको विगत एक महिनादेखि काठमाडौंको टिचिङ अस्पतालमा उपचार भैरहेको छ । पल्पसा विगत ५ बर्षदेखि किड्नीको उपचार गराइरहेकी थिइन् । तर, उनले यसको जानकारी भने कसैलाई पनि दिएकी थिइनन् । तर, एक महिना अगाडि निकै गाह्रो भएपछि उनी उपचारका लागि टिचिङमा भर्ना भएकी थिइन् ।

किड्नीको डायलसिस गर्ने क्रममा रगत नआएपछि उनी आत्तिएको वुझिएको छ । यसपछि, भने उनी अस्वस्थ रहेको खबर सार्वजनिक भएको हो । उनको तत्काल किड्नी ट्रान्सप्लान्ट गर्नुपर्ने अवस्था रहेको कलाकार तथा निर्देशक दीपाश्री निरौलाले जानकारी दिइन् । दीपाले सामाजिक संजालमार्फत भनिन्–‘केही दिन अगाडि डायलसिस गर्ने क्रममा ब्लड नआएपछि पल्पसाजी आत्तिनु भएछ । यसपछि म भेट्न पुगेकी हुँ ।’

वुझिएअनुसार, उनको किन्डी ट्रान्सप्लान्टका लागि ५० लाख भन्दा बढी रकम लाग्ने जनाएको छ । कलाकारहरुले उनको उपचारका लागि आर्थिक श्रोत समेत जुटाउन थालिसकेका छन् । हाँस्य सिरियल ‘मेरी बास्सै’मा अभिनय गरेपछि पल्पसालाई दर्शकले ‘चम्सुरी’ नामले चिन्दै आएका छन् । उनले ‘दृष्टी’ नामक सिरियलको पनि निर्माण गरेकी थिइन् । सामाजिक संजालमा उनको स्वास्थ्यलाभको कामना गर्दै आर्थिक संकलन समेत शुरु भईसकेको छ ।

तपाईको प्रतिक्रिया

सम्बन्धित समाचार