नेपाली काग्रेसको सरकार गठन भएसँगै १० लाख धरौटी बुझाएर छुटे विजय गच्छदार

  भिजन अनलाईन न्युज संबाददाता प्रकाशित:  82 पटक हेरिएको

काठमाडौं, असार ३० ।  

बालुवाटार जग्गा प्रकरणमा भ्रष्टाचार मुद्दा खेपेका नेपाली कांग्रेसका उपसभापति विजयकुमार गच्छदार धरौटी बुझाएर रिहा भएका छन् । उनी विशेष अदालतमा बुधबार १० लाख रुपैयाँ धरौटी बुझाएर रिहा भएका प्रवक्ता पुष्पराज पाण्डेयले जानकारी दिए । ललिता निवासको जग्गा व्यक्तिको नाममा दर्ता गरेको अभियोगमा गच्छदारविरुद्ध अख्तियार दुरुपयोग अनुसन्धान आयोगले विशेष अदालतमा भ्रष्टाचार मुद्दा दायर गरेको थियो । लामो समय फरार रहेर बसेका गच्छादार नेपाली काग्रेसका सभापति शेर बहादुर देउबा प्रधानमन्त्रि भए लगत्तै अदालतमा उपस्थिति हुनुलाई पनि बिषेश रुपमा लिएको छ ।

यसलाई प्रधानमन्त्रि शेर बहादुर देउबाको सकारात्मक सन्देश र अबको यात्रा कानुनि राज्य स्थापना गर्न निर्दिष्ठ भएको आवाज आएको छ । लामो समय फरार रहेका उनी बुधबार विशेष अदालतमा हाजिर भएका थिए । विशेष अदालतका अध्यक्ष प्रेमराज कार्की, सदस्यहरु अब्दुल अजिज मुसलमान र नित्यानन्द पाण्डेयको इजलासले गच्छदारलाई १० लाख धरौटीमा रिहा गर्ने आदेश दिएको हो । कानुनको शासनमा विश्वास गरेर आएँको गच्छदारले बताएको छ ।

विशेष अदालतबाट रिहा भएपछि नेता गच्छदारले आफूमाथि अख्तियार दुरुपयोग अनुसन्धान आयोगले प्रतिशोधपूर्ण रुपमा अभियोग लगाएको बताए । उनले आफू कानुनको शासनमा विश्वास गर्ने व्यक्ति भएकाले अदालतमा हाजिर भएको बताए ।

‘‘म न्यायालयको न्यायप्रति विश्वास भएको मान्छे, रुल अफ ल को लागि म लडेको मान्छे, जनताको अधिकार, लोकतान्त्रिक पद्धतिको लागि लडेको मान्छे । त्यसकारण विशेष अदालतमा मुद्दा दर्ता भएपछि म आज उपस्थित हुन आएको । विशेष अदालतले जे निर्णय आज गरेको छ । त्यसप्रति सम्मान व्यक्त गर्न चाहन्छु’ उनले भने । कांग्रेस उपसभापति गच्छदारले छिट्टै पत्रकार सम्मेलन गरेर आफ्नो धारणा सार्वजनिक गर्ने पनि बताए ।

तपाईको प्रतिक्रिया

सम्बन्धित समाचार