432 पटक हेरिएको 
काठमाडौं, जेष्ठ २१ ।
पत्रकार बालकृष्ण बस्नेत प्रेस काउन्सिल नेपालका अध्यक्षमा नियुक्त हुनुभएको छ । प्रधानमन्त्री निवास बालुवाटारमा बिहीबार साँझ बसेको मन्त्रिपरिषद्को बैठकले बस्नेतलाई प्रेस काउन्सिलको अध्यक्षमा नियुक्ति गर्ने निर्णय गरेको हो ।
बैठकले बस्नेतलाई चार वर्षका लागि नियुक्ति गर्ने निर्णय गरेको सञ्चार तथा सूचना प्रविधिमन्त्री पार्वत गुरुङले जानकारी दिनुभयो । कानून व्यवसायीसमेत रहनुभएका बस्नेतले कान्तिपुर दैनिकमा लामो समय काम गर्नुभएको थियो ।
काउन्सिलका अध्यक्षमा नियुक्त भवानी बरालको नियुक्तिको योग्यता विवाद मुद्दा सर्वोच्च अदालतमा परेपछि कार्यवाहक अध्यक्षका रुपमा किशोर श्रेष्ठ र गोपाल बुढाथोकीले चलाउँदै आउनुभएको थियो ।
