चाईनिज ताईपेलाई २-० गोलले पराजित गर्दै नेपाल बिजयी

  भिजन अनलाईन न्युज संबाददाता प्रकाशित:  148 पटक हेरिएको

कुवेत, जेठ २० । 

फिफा विश्वकप २०२२ कतार तथा एएफसी एसियन कप २०२३ चीनको संयुक्त छनोटअन्तर्गत दोस्रो चरण खेलमा नेपालले दोस्रो जित हात पारेको छ। बिहीबार कुवेत सिटीमा भएको खेलमा नेपालले चाइनिज ताइपेईलाई २-० गोलले पराजित गरेको हो।  उक्त खेलमा नेपालको जितमा अन्जन विष्ट र नवयुग श्रेष्ठले गोल गरे।

खेलको तेस्रो मिनेटमा अन्जनले पेनाल्टीमार्फत गोल गरेका थिए। सन्तोष तामाङको फ्रिकिकमा ताइपेईका खेलाडीले ह्यान्ड गरेपछि नेपालले फ्रिकिक पाएको थियो।  नेपालका लागि दोस्रो गोल नवयुगले गरे। वैकल्पिक खेलाडी नवयुगले सुमन अर्यालले दिएको पासमा ८१ मिनेटमा गोल गरेका थिए। नवयुग ६९ मिनेटमा सुनील बलको स्थानमा मैदान छिरेका थिए।

समूह ‘बी’ मा रहेको नेपालले दोस्रो जित हात पारेको हो। यसअघि नेपालले ताइपेईलाई नै २-० गोलले पराजित गरेको थियो। अब नेपालले छनोटमा जोर्डनसँग जेठ २४ गते र अस्ट्रेलियासँग जेठ २८ गते खेल्नेछ।

तपाईको प्रतिक्रिया

सम्बन्धित समाचार