592 पटक हेरिएको 
काठमाडौंं, वैशाख २७ ।
नेकपा९एमाले० माधव नेपाल–झलनाथ खनाल निकट सांसदहरुको बैठक सुरु भएको छ । संघीय संसद सचिवालय सिंहदरबारमा सुरु भएको बैठकमा संघीय संसदमा सोमबार हुने विश्वासको मत र पार्टी एकताको लागि दिएको समयसीमाको विषयमा छलफल हुँदैछ ।
हिजो बेलुकिबाट पार्टी एकतालाई सहज बनाउन र जेठ २ मा फर्कनको लागि थप १३ घण्टा समयसिमा थप दिएका नेपाल समुहले आज निर्णायक निर्णयको लागि नेपाल समुहको बैठक बस्न लागेको हो । बिहान साढे नौ बजे बस्ने भनिएको बैठक ढिला गरी सुरु भएको हो ।
आइतबार पार्टी एकताका लागि भन्दै अध्यक्ष ओलीलाई ६ बुँदे प्रस्ताव पठाएर सोमबार बिहान नौ बजेसम्मको समयसीमा दिएका उनीहरुले यसको बारेमा थप छलफल गर्नको लागि बैठक बस्न लागेका हुन् । प्रधानमन्त्री ओलीले विश्वासको मत लिनको लागि बोलाएको संसद विशेष अधिवेशन दिउँसो १ बजे बस्दैछ । साढे ९ बजे बस्ने बैठकमा प्रतिनिधिसभाको बैठकअघि माधव झलनाथ पक्षका केही सांसदहरुले राजीनामा दिनेरनदिने विषयमा छलफल हुने स्रोतले जनाएको छ ।
