986 पटक हेरिएको 
जापान, बैशाख २२ ।
जापानका बिभिन्न ठाउँमा रहेका थप ३ जना नेपालीमा कोरोना भाईरस देखिएको छ । संक्रमण पुष्टी हुनेहरुमा खानागावा प्रान्तमा रहेका दुई जना र क्योतो प्रान्तका एक जना रहेको बताईएको छ ।
खानागावाको योकोहामामा रहेका २ जना श्रीमान श्रीमती भएको तथा क्योतोका एक पुरुष रहेको बुझिएको छ । यो सँगै जापानमा कोरोना संक्रमित नेपालीको संख्या दश पुगेको छ भने २ जना उपचारपछी निको भै घर फर्किएका छन ।
यसअघी संक्रमण पुष्टी भएकाहरुमा खानागावाको योकोहामामा २ जना ,टोकियोको इकेबुकुरोमा ४ जना तथा इबाराकी प्रान्तमा एक जनामा रहेका थिए । टोकियोको इकेबुकुरोकी एक महिला र इबाराकी प्रान्तकी एक युवती भने कोरोना निको भै घर फर्किएका छन ।
