जर्ज फ्लोयडको घाँटी थिचेर हत्या गर्ने प्रहरी अधिकारी डेरेक चुविन हत्यारा साबित

  भिजन अनलाईन न्युज संबाददाता प्रकाशित:  123 पटक हेरिएको

अमेरिका, बैशाख ८ ।  

जर्ज फ्लोयडको हत्या प्रकरणमा अमेरिकी प्रहरी अधिकारी डेरेक चुविन दोषी साबित भएका छन्। गत वर्ष मे महिनामा चुविनले गिरफ्तार गरी भुईंमा लडाएर घुँडाले ९ मिनेटसम्म अफ्रिकी अमेरिकी नागरिक फ्लोयडको घाँटी थिचेका थिए। छट्पटाउँदा–छट्पटाउँदै फ्लोयडको मृत्यु भएको थियो।

जर्ज फ्लोयडको अन्त्येष्टि उनकै आमाको चिहानछेउ गाडिएको थियो भने निजको हत्या गर्नेलाई जमानतमा रिहा गरिएको थियो । सो हत्यापछि अमेरिका र यूरोपमा नश्लभेदको मुद्धा चर्किएको थियो। अमेरिका र विश्वभर प्रदर्शन भएको थियो।

हत्याकाण्डबारे छानबिन गर्न गठित जूरीले प्रहरी अधिकारी चुविनलाई दोषी ठहर गरेको हो। सन् २००१ देखि प्रहरी सेवामा प्रवेश गरेका डेरेकलाई फ्लोयडको हत्या भएलगत्तै सेवाबाट बर्खास्त गरिएको थियो। फ्लोयडको हत्यामा संलग्न अन्य तीन प्रहरी अधिकारी पनि बर्खास्तीमा परेका थिए।

तपाईको प्रतिक्रिया

सम्बन्धित समाचार