699 पटक हेरिएको 
जापान,चैत,२२ ।
चीनको वुहानबाट फैलिएको नोबेल कोरोना भाईरसले पछिल्लो समय बिश्व भरी महामारीको रूप लिईरहेको अबस्थामा जापानमा पनि कोरोनाको संक्रमण तिव्र रूपमा फैलिरहेको छ । जापानको टोक्यो, चोवा, ओसाका र होक्काईदोमा कोरोना संक्रमण धेरै देखिएको छ भने जापानको फुकुओका केनमा पनि पछिल्लो ३ दिनमा संक्रमित संख्या ह्वातै बढेको छ । जापानको फुकुओकामा आज कोरोना भाइरस (कोभिड–१९) को संक्रमणको कारण शनीबार १ जना ६० बर्षे बृद्धको मृत्यु भएको छ ।
केहि दिन अघि बाट फुकुओकामा निरन्तर कोरोना भाईरस संक्रमितको संख्या बढीरहेको छ । पछिल्लो तथ्यांक अनुसाार फुकुओका केनमा संक्रमित हुनेको संख्या मात्र शनीबार १ सय १९ जना पुगेको हो । टोकियो पछि फुकुओका केनमा नेपाली विद्यार्थीको उल्लेखिय मात्रामा बसोबास रहेको छ ।
यहाँ एकै दिन नयाँ १९ जना मानीसमा कोरोनाको संक्रमण देखिएको पुष्टी भएको छ । यस्तै हाल सम्म कोरोना भाईरस संक्रमितको संख्या जापानको राजधानी टोकियोमा रहेको छ । जहाँ १८ जनाले ज्यान गुमाईसकेका छन् । अहिले सम्म टोकियोमा ७७३ जना संक्रमित रहेका छन् ।
यसैबिच अहिले सम्म सबै भन्दा बढी मृत्यु आईची केनमा भएको छ । त्यहाँ १९ जनाको ज्यान गईसकेको छ, भने २०१ संक्रमित रहेका छन् । पछिल्ला दिनमा हरेक केनमा संक्रमितको संख्या बढ्ने क्रम जारी रहेको छ । जापानमा रहेका नेपालीहरूको जनजीवन पनि कोरोना भाईरसका कारण अस्तव्यस्त बनेको छ ।
