आपूर्ति सहज बनाउन वडाध्यक्षको संयोजकत्वमा समिति, एकरुपतामा राहत प्याकेज देशैभरि बितरण गर्ने गृहको निर्णय

  भिजन अनलाईन न्युज संवाददाता प्रकाशित:  663 पटक हेरिएको

vision-online-advertise

काठमांडौ, चैत १६ ।

फाईल तस्वीर

आज नेपाल सरकार तथा गृहमन्त्रिज्यूको अध्यक्षतामा नेपालको आपूर्ति तथा बितरण सहजता सम्बन्धि बिषयमा बैठक बसी छलफल भएको गृह मन्त्रालय स्रोतले जनाएको छ । कोरोना संक्रमणका कारण बिश्व नै आक्रान्त भईरहेको र नेपालमा पनि त्यसको प्रत्यक्ष असर परेकोले नेपाली जनतामा परेको समस्यालाई मध्यनजर गर्दै जनपक्षिय निर्णयहरू गरेका छन ।स्टोर वा बिक्रेताले बिक्री गर्दा न्यूनतम दैनिक उपभोग्य वस्तुहरु रहने गरी Combo Package बनाई बिक्री वितरण गर्ने निर्णय गरेको छ । आपूर्ति र राहत व्यवस्था सहज बनाउने, निमुखा, गरीवलाई आवश्यक राहत वितरण गर्नका लागि गृहमन्त्री रामबहादुर थापा वादलको अध्यक्षतामा गृह मन्त्रालयमा वैठक बसी महत्वपूर्ण निर्णय गरेको हो । 

हालको स्थितिमा रोजगारीको अभावमा गुजारा चलाउन नसक्ने व्यक्तिहरुलाई वडास्तरीय समितिले सहयोग स्वरुप न्यूनतम दैनिक उपभोग्य वस्तुहरुको Package उपलब्ध गराउने । सहयोगको Package बनाउदा ४ जना सम्म सदस्य भएको परिवार र ४ जना भन्दा बढी सदस्य भएको परिवारलाई पुग्ने गरी २ प्रकारको बनाउने लगायत १० निर्णय गरेको गृह मन्त्रालयले जनाएको छ ।

आपूर्ति, गृहसचिव, जनपद, सशस्त्र र अनुसन्धानका प्रमुख, काठमाडौं उपत्यकाका मेयरहरु, उपत्यकाका तीन वटै जिल्लाका प्रमुख जिल्ला अधिकारी, सुरक्षा प्रमुख, गृहमन्त्रालयका राजनीतिक सल्लाहकारसहितको सहभागितामा बसेको वैठकले कोभिड १९ को रोकथाम, राहत सामग्री वितरण, सुरक्षा लगायतका विषयमा महत्वपूर्ण निर्णय गरेको गृहमन्त्रालयको स्रोतले जनाएको छ । 

गृह मन्त्रालयकाे प्रेस विज्ञप्ति

आज मिति २०७६/१२/१६ गते माननीय गृहमन्त्री राम बहादुर थापा ꞌबादलꞌ ज्यूको अध्यक्षतामा आपूर्ति व्यवस्थापनलाई सहज बनाउने विषयमा बैठक बसी छलफल भयो । उक्त छलफलमा गृह मन्त्रालय र उद्योग, वाणिज्य तथा आपूर्ति मन्त्रालयका सचिवज्यूहरु, महानगरपालिका तथा नगरपालिकाका प्रमुखज्यूहरु लगायतको उपस्थिति रहेको थियो । उक्त बैठकले गरेका देहाय बमोजिमका निर्णयहरु प्रभावकारी रुपमा कार्यान्वयन गर्नु गराउनु हुन सम्बन्धित सबैमा अनुरोध गरिन्छ।

गृह मन्त्रालयको निर्णयहरु:-

१. आपूर्ति व्यवस्थापनको नेतृत्व सबै स्थानीय तहले लिने ।

२. विक्री वितरण गर्दा न्यूनतम 1 मिटरको दुरी कायम गर्ने (Social Distancing) गरी स्थानीय तहले मापदण्ड बनाउने ।

३. आपूर्ति व्यवस्थापनलाई सहज बनाउन प्रत्येक वडाका वडाध्यक्षको संयोजकत्वमा स्थानीय प्रहरीको प्रतिनिधित्व हुने गरी समिति गठन गर्ने ।

४. वडास्तरीय समितिले आफ्नो वडा भित्र रहेका हालको स्थितिमा रोजगारीको अभावमा गुजारा चलाउन नसक्ने व्यक्तिहरुको लगत संकलन गर्ने ।

५. स्टोर वा बिक्रेताले बिक्री गर्दा न्यूनतम दैनिक उपभोग्य वस्तुहरु रहने गरी Combo Package बनाई बिक्री वितरण गर्ने ।

६. हालको स्थितिमा रोजगारीको अभावमा गुजारा चलाउन नसक्ने व्यक्तिहरुलाई वडास्तरीय समितिले सहयोग स्वरुप न्यूनतम दैनिक उपभोग्य वस्तुहरुको Package उपलब्ध गराउने । सहयोगको Package बनाउदा ४ जना सम्म सदस्य भएको परिवार र ४ जना भन्दा बढी सदस्य भएको परिवारलाई पुग्ने गरी २ प्रकारको बनाउने ।

७. कुनै निकाय/संघ/संस्था/व्यक्तिले सहायता दिन चाहेमा सम्बन्धित स्थानीय तहमा सम्पर्क राख्‍नुपर्ने। स्थानीय तहले तोकेको मापदण्ड अनुसारका सहयोग सामग्रीहरु भएमा मात्र स्थानीय तहले स्वीकार गरी वडास्तरीय समिति मार्फत वितरण गर्ने । सो को विवरण अनिवार्य रुपमा सम्बन्धित जिल्ला प्रशासन कार्यालयमा पठाउने ।

८. सहायताको नाममा कसैले पनि चन्दा उठाउन वा आफुखुसी सहायता वितरण गर्न नपाउने ।

९. वितरणमा दोहोरोपना हुन नदिने ।

१०. उद्योग, वाणिज्य तथा आपूर्ति मन्त्रालयले दैनिक उपभोग्य वस्तुहरुको मौज्दात नियमित रुपमा अद्यावधिक गरी सार्वजनिक गर्ने ।

vision-online-advertise

तपाईको प्रतिक्रिया

सम्बन्धित समाचार