धादिङ मालपोतमा घूससहित २ जना पक्राउ, पक्राउ परेका कर्मचारीलाई काठमांडौ लगियो

  भिजन अनलाईन न्युज संवाददाता प्रकाशित:  1041 पटक हेरिएको

vision-online-advertise

धादिङ, फागुन ३० ।

अख्तियार दुरुपयोग अनसन्धान आयोगको टोलीले शुक्रबार दिउँसो धादिङ मालपोत कार्यालयमा गरेको स्टिंग अप्रेसनमा २ जना व्यक्ति घूससहित रंगेहात पक्राउ परेका छन् । कार्यालय खुले लगत्तै शुक्रबार ११ बजे पुगेको अख्तियारको टोलीले जग्गा रजिस्ट्रेसन फाँटमा करार सेवामा नियुक्त नीलकण्ठ नगरपालिका–३ निवासी सूर्य अधिकारीलाई नगद रकम दिँदै गरेको अवस्थामा भू–सेवा केन्द्रका लेखापढी व्यवसायी कान्छोनारायण श्रेष्ठलाई रंगेहात पक्राउ गरेको हो । 

स्थानीय सहकारी संस्था लिमिटेडको जग्गा फुकुवा सम्बन्धी फाइलमा घूस मागेपछि लेखापढी व्यवसायी श्रेष्ठ मार्फत अधिकारीले १७ हजार ५ सय नगद बुझे लगत्तै अख्तियार टोलीले दुवै जनालाई नियन्त्रणमा लिएको हो। रकम बरामद गरेको मुचुल्कामा अख्तियार टोलीले नीलकण्ठ नपा–३ का वडा अध्यक्ष होमनाथ रिजाललाई पनि साक्षी राखेको छ।


सूर्य अधिकारी र कान्छोनारायण श्रेष्ठ

अख्तियारको टोलीले कर्मचारी र लेखापढी व्यवसायी नियन्त्रणमा लिए लगत्तै मालपोत कार्यालयका कर्मचारी मध्यान्ह १२ बजे नै कार्यालय छोडेर निस्केका थिए। जिल्ला मालपोत अधिकृत पुरुषोत्तम भण्डारी गत २७ गते देखिनै बिदामा बसेका छन्। शुक्रबार भएको कारण ३ बजे बिदा हुनु पर्ने कार्यालय मध्यान्हदेखि नै कर्मचारीविहीन भए पछि काम भइसकेका सेवाग्राही पनि हस्ताक्षर नभएपछि अलमलमा परेका थिए।

अख्तियारको छापा परेपछि निमित्त कार्यालय प्रमुख रोशन गिरीसहित सेवाग्राहीको काम छोडेर कर्मचारी गएपछि सेवाग्राहीले कर्मचारीविरुद्ध नाराबाजी समेत गरेका थिए। अख्तियार टोलीले नियन्त्रणमा लिएका दुवैजनालाई काठमाडौं लगिएको छ।

vision-online-advertise

तपाईको प्रतिक्रिया

सम्बन्धित समाचार