1016 पटक हेरिएको 
काठमाडौं, फागुन २७।
ठमेलमा पर्यटकमाथि खुकुरी प्रहार भएको छ । केटाहरुबीच भइरहेको झगडालाई मिलाउन खोज्दा स्पेनिस नागरिक जाउलगायत तीन जनामाथि खुकुरी प्रहार भएको हो ।
शनिबार राति खाना खाने समयमा घटना भएको थियो । युवतीलाई जिस्काएको विषयमा केटाहरुबीच भएको झगडालाई मिलाउन खोज्दै गर्दा आफूलगायत अन्य दुई जनामाथि एकै व्यक्तिले खुकुरी प्रहार गरेको जाउले बताए । घटनापश्चात प्रहरी कार्यालय सोह्रखुट्टेमा उनले उजुरी दर्ता गराएका छन् ।
विगत १८ महिनादेखि जाउ नेपालको ग्रामीण क्षेत्रमा बसोबास गर्दै आएका छन् ।
