चीनको वुहानबाट ल्याऊने बिध्यार्थीलाई भक्तपुरमा राख्न लगेको भन्दै स्थानीय आन्दोलित

  भिजन अनलाईन न्युज संवाददाता प्रकाशित:  1327 पटक हेरिएको

भक्तपुर, फागुन २ ।

चाँगुनारायण नगरपालिका-६, नगरकोट वडा कार्यालय नजिक रहेको खानेपानी कार्यालयमा शुक्रबार प्रहरी र स्थानीवासीबीच झडप भएको छ । चीनको वुहानबाट उद्धार गरेर ल्याउन लागिएका नेपालीलाई खानेपानी कार्यालयमा निर्माण भएको क्वारेण्टाइनमा राख्न लागिएको भन्दै उनीहरु आन्दोलनमा उत्रिएका हुन् । चीनमा कोरोना भाईरसका कारण मर्नेको संख्या दिनप्रति दिन बढ़दई गईरहेकोले उक्त क्षेत्रबाट नेपाल ल्याऊन लागिएको नेपाली बिध्यार्थीबाट संक्रमण भित्रिने त्रासले स्थानीय आन्दोलित भएको हो ।

कार्यालय अगाडि सडक बन्द गराएर अवरोध गरी टायर बालेर विरोध गरेपछि झडप भएको वडा नं. ६ का वडाध्यक्ष सन्तबहादुर तामाङ्गले बताउनुभयो । सरकारी टोलीमाथि स्थानीयहरुले ढुंगामुढा गरेपछि प्रहरीले लाठी चार्ज गरेको र दुवैतर्फका सामान्य घाइते भएको उहाँले बताउनुभयो ।

नेपालीको उद्धार गरेर सरकार ल्याउन लागेको र उनीहरुलाई लिन जाने नेपाल वायुसेवा निगमको विमानका चालक, सहचालक र परिचारिकालाई १४ दिनसम्म नगरकोटको खानेपानीमा बनाएको क्वारेन्टाइन राख्न लागेको विरोधमा स्थानीयवासीले विरोध गर्दै शुक्रबार गरेको आन्दोलनमा प्रहरीसँग झडप भएको हो । 

प्रहरीले रोकेपछि आक्रोशित भएका स्थानीयले सडक बन्द गराएर विरोध गरेपछि प्रहरीले बल प्रयोग गर्दा झडप भएको र ढुङ्गा हानाहान भएको उहाँले बताउनुभयो । प्रधानमन्त्री कार्यालयका सचिव नारायणप्रसाद बिडारी नेतृत्वको टोली नगरकोट पुग्दा विरोध भइरहेको थियो । 

स्थानीयले एक सातादेखि विरोध गर्दै आएको र शुक्रबार पनि दिनभर नै विरोध गरेको नगरकोटका विष्णु तामाङ्गले बताउनु भयो । त्यसपछि आज साँझ ६ बजेसम्म भएको छलफलमा पनि समस्या समाधान नभएको बताएको छ ।

प्रहरी र प्रजिअ होमकला पाण्डेले छलफल गर्दा पनि स्थानीयले विरोध गरिरहेका थिए । स्थानीयवासीले सरकार र जनप्रतिनिधिको विरोधसमेत गरेका छन् । 

तपाईको प्रतिक्रिया

सम्बन्धित समाचार