कुबेतमा निर्माणस्थलको बालुवाको ढिस्को भासिदा ४ नेपालीको निधन

  भिजन अनलाईन न्युज संवाददाता प्रकाशित:  1313 पटक हेरिएको

कुबेत, फागुन १ ।

कुवेतमा निर्माणस्थलमा पुरिएर चार जना नेपालीको ज्यान गएको छ । अन्य तीन जना घाइते भएका छन् भने अरु तीन जना पुरिएका छन् ।कुवेतको अल–मुत्लामा निर्माणस्थलमा बालुवा र गिट्टीको थुप्रो खसेपछि घाइते भएका सात जनाको उद्धार गरिएकामा चार जनाको ज्यान गएको र उनीहरु नेपाली रहेकाे समाचार संस्था ‘अरब टाइम्स’ ले जनाएको छ ।

बालुवा र गिट्टीकाे थुप्राेमा पुरिएका अन्य तीन जनाको अवस्था थाहा हुन सकेको छैन । उनीहरुको खोजी भइरहेको अधिकारीहरुले जनाएका छन् । घाइते तीन जनाकाे जाहारा अस्पतालमा उपचार भइरहेको खबरमा उल्लेख छ ।

चिनियाँ कम्पनीले काम गरिरहेको निर्माणस्थलमा बालुवा गिट्टीको थुप्रो खस्दा दुर्घटना भएको हो । ज्यान गुमाएका र घाइते भएकाहरुको पहिचान भने खुलेको छैन । अझ केही ब्यक्ति पुरीएको हुनसक्ने आशंका गरीएकोले उद्धार कार्य जारी रहेको जनाएको छ ।

तपाईको प्रतिक्रिया

सम्बन्धित समाचार