153 पटक हेरिएको नयाँ दिल्ली, माघ २८।
भारतिय विधान सभा चुनावमा भारतको राजधानि नयाँ दिल्लीमा स्पष्ट बहुमत सहित सरकार गठन गर्दै आएका आम आद्मी पार्टीले यस पटक भने नराम्ररी हार बेहोर्नुपर्यो । आम आदमी पार्टीका सभापति समेत रहेका नयाँ दिल्लीका पुर्व मुख्यमन्त्रि अरबिन्द केजरीवालले समेत नयाँ दिल्ली बिधान सभामा हार बेहोरेपछि पार्टीको तर्फबाट नयाँ दिल्लीकाक मुख्यमन्त्रिकम रहेकी आतिशीले मुख्यमन्त्रि पदबाट राजिनामा दिएका छन । आफ्नो पार्टीले पराजय भोगेपछि आतिशीले दिल्लीको मुख्यमन्त्री पदबाट आइतबार राजीनामा दिएकी हुन ।
आम आदमी पार्टीकी नेतृ आतिशीले आइतबार बिहान दिल्लीका उपराज्यपाल वीके सक्सेनालाई आफ्नो राजीनामा बुझाएकी हुन् । उनी राजीनामा बुझाउन सक्सेन निवासमा पुगेकी थिइन् । दिल्ली विधानसभा चुनावमा आम आदमी पार्टीले ठूलो झट्का बेहोरेको छ । आपले आफ्नो पहिलेको ६२ सिटको तुलनामा २२ सिट मात्र जित्न सकेको थिए ।
उपराज्यपाल वीके सक्सेनाले आतिशीको राजीनामा स्वीकृत गरेको बीबीसीले लेखेको छ । उपराज्यपालले आतिशीलाई नयाँ सरकार गठन नभएसम्म पदमा रहन आग्रह गरेका छन् । अरविन्द केजरीवालले आफ्नो पदबाट राजीनामा दिएपछि आतिशी गत सेप्टेम्बरमा दिल्लीको मुख्यमन्त्री बनेकी थिइन् ।
भारतीय जनता पार्टी (भाजपा) ले ४८ सिट जितेको छ । २७ वर्षपछि दिल्ली विधानसभा चुनावमा भाजापाले पूर्ण बहुमत प्राप्त गरेको छ । जबकि कांग्रेस पार्टीले भने यस पटक एउटा पनि सिट जित्न सकेन । अब भने दिल्लीको सरकार भाजपाले स्पष्ट बहुमत सहित बनाउने निश्चित भईसकेको छ । भाजपाबाट दिल्लीको मुख्यमन्त्रि को बन्ने भन्ने तय भने भईनसकेको जनाएको छ ।
