823 पटक हेरिएको 
काठमाण्डौँ, माघ २३ ।
ललिता निवास जग्गा हिनामिना प्रकरणमा पार्टी संसदीय दलका उपनेता विजयकुमार गच्छदारविरुद्ध विशेष अदालतमा भ्रष्टाचार मुद्दा दायर भएपछि त्यसको विरोधस्वरूप कांग्रेसले संसद् बैठक अवरुद्ध गरेको छ । प्रतिनिधि सभाको बिहीवार बसेको बैठकमा कांग्रेस सांसदहरूले उठेर विरोध जनाउँदै सदन अवरुद्ध गरेका हुन् ।
बैठकको शुरूमै सभामुखसँग समय लिएर कांग्रेस सचेतक पुष्पा भुसालले गच्छदारमाथि प्रतिशोध साँधिएको आरोप लगाइन् । संवैधानिक अंग सरकारको लाचार छाँया बनेको उनको आरोप थियो । नेपालको लोकतान्त्रिक आन्दोलनमा लामो यात्रा गरेका र जनताले पटक–पटक अभिमत दिएका गच्छदारप्रति हदैसम्मको प्रतिशोध साँधिएको जिकिर उनले गरिन् ।
राजनीतिक पूर्वाग्रहको आधारमा बदनियतपूर्ण ढंगले गरिएको मुद्दा स्वीकार नगर्ने चेतावनी समेत उनले दिइन् । अख्तियारले कसैलाई काखा कसैलाई पाखा गरेको भन्दै भर्को बिरोध गरेकी थिई । कोही सचिबलाई मुद्या लाग्ने कोहीलाई नलाग्ने कोही मन्त्रिलाई मुद्या लाग्ने कोहीलाई नलाग्ने यो सरकारको प्रतिसोधको पूतिक रहेको भन्दै गच्छादारको बचाउ गरेका थिए । यत्रो आन्दोलनहरुबाट प्राप्त भएको लोकतन्त्रमा असमान ब्यबहार गरिनु लोकतन्त्रको उपहास भएकोले असमान ब्यबहारलाई काग्रेसले नस्वीकार्ने भन्दै सभामुखको ध्यानाकर्षण गरकी थिई ।
कांग्रेसको अवरोधका कारण संसद् बैठक भोलिसम्मका लागि स्थगित भएको छ ।
