ईरानमा बिमान दुर्घटना, १३५ जना ईरानी यात्रु सकुसल

  भिजन अनलाईन न्युज संवाददाता प्रकाशित:  839 पटक हेरिएको

तेहरान, माघ १३ ।

१३५ जना इरानी यात्रुबाहक विमान रनवेबाट चिप्लिएर सडकमा पुगेको छ । तर, विमानमा सवार सबै सकुशल भएको सीएनएनले जनाएको छ । ईरानी सहर महशहार सरहमा क्यासपियन एयरलाइन्सको विमान रनवेबाट चिप्लिएर बीच सडकमा पुगेको हो । विमानमा पनि खासै क्षति भएको छैन ।

यात्रुहरु एकले अर्कोलाई प्लेनबाट बाहिर निस्किन सहयोग गरिरहेका तस्बिर तथा भिडियोहरुमा देख्‍न सकिन्छ । विमान चिप्लिने बित्तिकै आपतकालिन उद्धारकर्ताहरु त्यहाँ पुगेका थिए । त्यसैगरी दमकलले प्लेनको इन्जिनलाई आगजनीबाट जोगाउन पानीको फोहोरा हानेको थियो ।

क्यासपियन एयरलाइन्सको ६९३६ कलसाइनको विमान सोमबार बिहान तेहरानबाट माहशहरका लागि उडेको थियो ।

यसको विषयमा थप अनुसन्धान भइरहेको सीएनएनले जनाएको छ ।

तपाईको प्रतिक्रिया

सम्बन्धित समाचार