कोरोना नियंत्रणको लागि उपत्यकामा राति १२ बजेदेखि सवारीसाधनमा जोरबिजोर प्रणाली लागु

  भिजन अनलाईन न्युज संबाददाता प्रकाशित:  321 पटक हेरिएको

काठमाडौं, माघ ६ ।  

पछिल्लो समय कोरोना भाईरसको महामारी पुन तेस्रो पटक तिव्र वृद्धि भईरहेको छ । बिगत २ वर्षदेखिको माननीय जीवनयापनमा ठुलो धक्का दिईसकेको कोरोनाले बिश्वभरिका मानव जीवनमा पुन ठुलो धक्का दिने निश्चित छ । कोरोना संक्रमण रोकथाम गर्ने उद्देश्यले काठमाडौं उपत्यकामा शुक्रबार राति १२ बजेदेखि जोरबिजोर प्रणाली लागू हुने भएको छ । काठमाडौं, ललितपुर र भक्तपुरका प्रमुख जिल्ला अधिकारीहरुको बिहीबार बसेको संयुक्त बैठकले भोलि (शुक्रबार) राति १२ बजेदेखि सार्वजनिक र निजी सवारी साधनहरुमा जोर बिजोर प्रणाली लागू गर्ने निर्णय गरेको हो ।

बैठकपछि ललितपुरका प्रमुख जिल्ला अधिकारी घनश्याम उपाध्यायले स्मार्ट लकडाउनको कार्यविधिअनुसार सार्वजनिक र निजी सवारी साधनहरुमा जोर बिजोर लागू गरिएको जानकारी दिए । उनका अनुसार अब शुक्रबार राति १२ बजेदेखि जोर गते जोर नम्बरका र बिजोर गते बिजोर नम्बरका सवारी साधन सन्चालन गर्नुपर्ने छ ।

जोरबिजोरको निर्णय दुई पांग्रे सवारी साधनहरुमा पनि लागू हुने छ । सिट क्षमताभन्दा बढी यात्रु राख्न नपाइने, मास्क अनिर्वाय लगायतका यसअघिका निमय कायमै छन् ।

तपाईको प्रतिक्रिया

सम्बन्धित समाचार