394 पटक हेरिएको 
जापान, पौष २४ ।
जनवरी ७ तारिख बिहिबार जापानभर एकैदिन ७ हजार ५ सय ७० जनामा कोरोना संक्रमण पुष्टि भएको छ । यो एकैदिन पुष्टि भएको हालसम्मकै उच्च संक्रमण हो । बिहिबार टोकियोमा २,४४७ जना, ओसाकामा ६०७ जना, खानागावा केनमा ६७९ जना, साईतामा केनमा ४६० जना, चिबा केनमा ४५० जना, आईचीकेनमा ४३१ जना, फुकुओका केनमा ३८८ जना, ह्योगो केनमा २८४ जना, होक्काईदोमा १६१ जनाको उच्च संक्रमण सहित ४६ वटा प्रान्तमा संक्रमण पुष्टि भएको हो ।
उच्च संक्रमण देखिएको बिहिबार जापानभर ६५ जना कोरोना संक्रमित बिरामीहरुको मृत्यु भएको छ भने ७९६ जना गम्भीर बिरामी रहेका जापानी संचार माध्यम एनएचके टेलिभिजनले जनाएको छ।
जापानमा हालसम्म २ लाख ६७ हजार ७ सय १६ जनामा कोरोना संक्रमण पुष्टि भईसकेको छ । संक्रमित मध्ये २ लाख ११ हजार १ सय १० जनाले स्वास्थ्य लाभ लिएका छन् भने ३ हजार ८ सय ९९ जनाको मृत्यु भएको छ ।
