डढेलोले निम्त्याएको हृदय बिदारक दृष्य, ५० करोड जनावरको मृत्यु नागरिकमा स्वास्थ्य समस्या(भिडियो सहित)

काठमाडौं, पुस २१।

अष्ट्रेलिया जङ्गलमा केहि दिन देखि लागेको डढेलोले उग्र रुप लिदा लाखौँ हेक्टर जङ्गल नष्ठ भएको छ । खतराको स्तरमा पुगेको अष्ट्रेलियाको जङ्गलमा लागेको भीषण डढेलोले अष्ट्रेलिया सरकारलाई मात्र समस्यामा पारिरहेको छैन, यसको बढ्दो क्षतिले विश्व समुदायलाई नै अत्याएको छ । चार महिनादेखिको डढेलो नियन्त्रणमा आउने भन्दा बढी नियन्त्रण बाहिर गइरहेको छ । गत सेप्टेम्बरदेखि लागेको यो डढेलोले मानिस र जनावरलाई भयानक रुपमा प्रभावित पारेको छ । डढेलोका कारण अहिलेसम्म १८ जनाको ज्यान गइसकेको छ भने करीब ५० करोड जनावर र पंक्षीहरुको मृत्यु भइसकेको छ ।

आगोले २ सय बढी घरमा पनि क्षति पुगेको छ । थुप्रै मानिसहरु अहिले पनि आगोबाट प्रभावित क्षेत्रमा बसिरहेका छन् ।युनिभर्सिटी अफ सिड्नीको इकोलोजिस्टले अहिलेसम्म ५० करोड जनावर डढेर मरिसकेको उल्लेख गरेको छ । यसमा स्तनधारी पशुपंक्षीका साथै घस्रने जनावर पनि समावेश छन् । न्यू साउथ वेल्स रुरल फायर सर्भिस (आरएफएम) ले जङ्गलको डढेलोका कारण नावरा नजिकैको उत्तरी किनारमा आफ्नै मौसम प्रणाली विकसित भएको जनाएको छ । यसलाई आरएफएसले निकै नै खतरनाक स्थिति बताएको छ ।

अष्ट्रेलियाको न्यू साउथ वेल्स जङ्गलको डढेलोका कारण आसपासका क्षेत्रमा बसोबास गर्ने नागरिकहरुमा विविध स्वास्य समस्या देख्न थालिएको नेपाली समुदायले बताएको छ । अष्ट्रेलिया सरकारले सो क्षेत्र र आसपासको क्षेत्रमा बिद्युत सेवा समेत काटेकोले जीबन यापन गर्न कठिन भएको त्यहाँ बसोबास गर्ने नेपालीहरुले बताएका छन । बाहिर उच्च तापक्रम, डढेलोका धुलो धुँवा र बिद्युत सेवा अबरोधका कारण मानब स्वाथ्यमा बिबिध समस्या देखिन थालेको स्थानीयहरुले बताएको छ ।

यो डढेलो अष्ट्रेलियाको भिक्टोरिया र न्यू साउथ वेल्सको तटीय इलाकामा सबैभन्दा धेरै फैलिएको जनाइएको छ । आगलागीका कारण हावा र विषालु धुँवाका कारण पूर्वी तटमा रहेको इलाकामा जीवनयापन निकै मुस्किल भएको छ । मानिसहरु घर छोडेर भागिरहेका छन् । मृतकको संख्या लगातार बढिरहेको छ । अष्ट्रेलिया सरकारले थुप्रै इलाकामा संकटकालको घोषणा गरेको छ ।

भिक्टोरियाको स्थिति थप भयानक बनिरहेको छ । शनिबार तीब्र गतिको हावाका कारण आगो थप फैलिएको छ । बढ्दो तापक्रमका कारण अग्नी नियन्त्रणमा खटेका समूहले ठूलो समस्या व्यवहोर्नु परेको छ । थुप्रै स्थानमा तापक्रम ४५ देखि ४७ डिग्रीसम्म पुगेको छ । मौसम विभागका अनुसार हावाले थप आगो फैलाइरहेको छ । यसबाट आउने धुँवाले उद्दारकार्यमा बाधा पुर्‍याइरहेको छ । आगोका कारण हजारौं मानिसहरु घर शहर छोडेर शरणार्थीको रुपमा बस्न बाध्य छन् ।

न्यू साउथ वेल्सको मध्य–उत्तरी इलाकामा सबैभन्दा धेरै जनावरको बसोबास छ । तर जङ्गलमा लागेको आगोका कारण उनीहरुको जनसंख्यामा भारी गिरावट आएको छ । एउटा सानो आगोको फिलुङ्गोले कतिसम्मको विध्वंस मच्चाउन सक्दोरहेछ भन्ने उदाहरण अष्ट्रेलियाको डढेलोले विश्वलाई प्रमाणित गरिरहेको छ ।

आज भने न्यू साउथ वेल्स क्षेत्रमा हल्का बर्ष भएकोले तापक्रममा भने सन्तुलन आएको तर डढेलो भने नियन्त्रणमा नआएको अष्ट्रलियाका ९ न्युज च्यानलले जनाएको छ ।